Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանը հյուրընկալեց «Ռուսաց լեզվի և ռուսական մշակույթի տարածաշրջանային փառատոնի» լոռեցի դպրոցական մրցանակակիրներին և նրանց ուսուցիչներին: Լոռեցի աշակերտները հաղթանակներ են գրանցել բոլոր անվանակարգերում: Այս կապակցությամբ մարզպետը նրանց պարգևատրեց շնորհավորագրերով և շնորհակալագրերով:
Հայաստանի առաջին հանրապետության օրը նշվեց Ղարաքիլիսայի ճակատամարտը խորհրդանշող հուշակոթողի մոտ 30.05.2022
Հայաստանի առաջին Հանրապետությանը և մայիսյան հերոսամարտերին նվիրված տոնակատարությունն այս տարի ևս Վանաձորում համախմբել էր բազմաթիվ վանաձորցիների, հյուրերի: Ղարաքիլիսայի ճակատամարտը խորհրդանշող հուշակոթողի մոտ՝ Վանաձորի Կոտրած եկեղեցու տարածքում, կազմակերպված միջոցառմանը մասնակցում էին ՀՀ փոխվարչապետ Համբարձում Մաթևոսյանը, Լոռու մարզպետ Արամ Խաչատրյանը, ԱԺ պատգամավորներ, Գուգարաց թեմի առաջնորդ տեր Հովնան եպիսկոպոս Հակոբյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային ու քաղաքային իշխանությունների ներկայացուցիչներ, ուժային կառույցների ղեկավարներ, ներկայացուցիչներ, հյուրեր:
Սիրողական խճուղավազքի մարզային առաջնությունները կայացան 30.05.2022
ՀՀ Լոռու մարզպետարանը մայիսի 24-ին Մարգահովիտ - Լերմոնտովո ճանապարահատվածում, 26-ին և 27-ին համապատասխանաբար Սպիտակի շրջանաձև խաչմերուկ - Արևաշող տանող ճանապարհին և Ստեփանավանի Ամենափրկիչ մատուռ – Լճեր տանող ճանապարհին կազմակերպել էր սուբվենցիոն ծրագրերով կառուցված կամ հիմնանորոգված ճանապարհներին ու մայրուղիներին սիրողական խճուղավազքի մրցաշարի առաջնության մարզային մրցումներ: Մարգահովիտ - Լերմոնտովո ճանապարահատվածում կայացած մրցմանը մասնակցում էին Գուգարքի տարածաշրջանի դպրոցներից 81 տղա և 42 աղջիկ:
Լոռու մարզպետ Արամ Խաչատրյանն ընդունել է «ՀՀ Վարչապետի գավաթ» դպրոցականների թիմային խճուղավազքի հանրապետական եզրափակիչ փուլում երրորդ տեղը գրաված Վանաձորի թիվ 5 ավագ դպրոցի աշակերտներին, դպրոցի տնօրենին և ֆիզկուլտուրայի ուսուցիչներին։
Շնորհակալագրեր հայրենիքի պաշտպանության գործին անձնվիրաբար մասնակցելու համար 30.05.2022
Լոռու մարզպետ Արամ Խաչատրյանը հյուրընկալել էր Սպիտակի Ս. Ավետիսյանի անվան ավագ դպրոցի զինղեկ Վոլոդյա Հարությունյանին, Ստեփանավանի Հ. Թումանյանի անվան ավագ դպրոցի ֆիզկուլտուրայի ուսուցիչ Դանիել Սիմոյանին, Վանաձորի Ա. Պուշկինի անվան թիվ 4 հիմնական դպրոցի զինղեկ Արթուր Մարդանյանին, ովքեր մասնակցել են Ադրբեջանի կողմից Արցախի Հանրապետության դեմ սանձազերծված 44-օրյա պատերազմին:
Շահումյանի միջնակարգ դպրոց այցը «Դպրոցական սնունդ» ծրագրին ծանոթանալու նպատակ ուներ 30.05.2022
ՄԱԿ-ի Պարենի համաշխարհային ծրագիրը Ռուսաստանի դեսպանատան աջակցությամբ ներդրումներ է կատարել Լոռու մարզի Շահումյանի միջնակարգ դպրոցում խոհանոցի և ճաշարանի վերանորոգման, սարքավորումների ձեռքբերման համար՝ բարձրացնելով դպրոցի կարողությունները, ապահովելով անվտանգ, բազմազան և սննդարար կերակուր ավելի քան 90 դպրոցականների համար, որոնց մի մասը սոցիալապես անապահով ընտանիքներից է:
