Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեդալներ՝ զոհված հերոսների և շնորհակալագիր՝ ժամկետային զինծառայողի հարազատներին 15.09.2021
Լոռու մարզպետ Արամ Խաչատրյանը և ՀՀ ՊՆ Զ և ԶՀ ծառայության Լոռու մարզային տարածքային ստորաբաժանման ղեկավար Սամվել Գևորգյանը «6-րդ ՊՇ անձնուրաց պաշտպան» մեդալով հետմահու պարգևատրեցին լոռեցի զինծառայողների ընտանիքների: - Խոնարհվում եմ բոլորի առջև, Ձեր որդիներն իրենց կյանքի գնով մեզ կյանք նվիրեցին՝ թույլ չտալով նոր ցեղասպանություն: Նրանց սխրանքն անգնահատելի է: Ցավն ու վիշտ մեր հոգիներում է, բայց պարտավոր ենք ուղղել մեր մեջքը: Ձեր կողքին ենք և պատրաստ ենք լսելու յուրաքանչյուրիդ: Փա՛ռք մեր նահատակներին,- ասաց Ա. Խաչատրյանը:
Մարզի ղեկավարը շնորհակալագիր հանձնեց վաստակաշատ մանկավարժին 15.09.2021
Մարգահովիտի Հովհաննես Թումանյանի անվան միջնակարգ դպրոցի տնօրեն Աշոտ Անտինյանը նշում է ծննդյան 60-ամյակը: Վաստակաշատ մանկավարժն արդեն 30 տարի զբաղեցնում է նաև դպրոցի տնօրենի պաշտոնը: Մարզպետ Արամ Խաչատրյանն այսօր հյուրընկալել էր նրան՝ իր գնահատանքի խոսքը հղելու և շնորհակալագիր հանձնելու: - Դուք գնահատելի ավանդ ունեք Մարգահովիտիմիջնակարգ դպրոցում ուսումնական և կրթադաստիարակչական գործընթացը բարձր մակարդակով կազմակերպելու գործում: Ձեր ղեկավարման տարիներին դպրոցի բազմաթիվ շրջանավարտներ իրենց ներդրումն են ունեցել կրթության, գիտության, մշակույթի ու արվեստի, ռազմական գործի և միջազգային հարաբերությունների բնագավառներում: Մաղթում եմ հաջողություն մանկավարժական և ղեկավարի Ձեր հետագա բեղմնավոր գործունեության մեջ,- ասաց նա:
Շահումյանի և Ֆիոլետովոյի դպրոցներում հիմնվել են ինտենսիվ այգիներ 14.09.2021
ՄԱԿ-ի Պարենի համաշխարհային ծրագրի աջակցությամբ «Կանաչ արահետ» ՀԿ-ի կողմից իրականացվող «Ինտենսիվ պտղատու և հատապտղային այգիների հիմնում դպրոցամերձ տարածքներում» ծրագրի շրջանակներում Լոռու մարզի Շահումյան և Ֆիոլետովո համայնքների դպրոցների բակերում հիմնվել են ինտենսիվ այգիներ: Այգիների բացման արարողությանը ներկա էին Լոռու մարզպետարանի կրթության, մշակույթի և սպորտի վարչության պետի Արամ Գրիգորյանը, հոգևոր հովիվ տեր Սողոմոն քահանա Ավետիսյանը, մարզային իշխանության ներկայացուցիչներ, ոլորտի մասնագետներ ու համայնքի բնակիչներ։ Մարզպետ Արամ Խաչատրյանի և իր անունից ողջույնի խոսք հղեց Արամ Գրիգորյանը.
Հանդիսավորությամբ բացվեց «Made in Kurtan» արտադրամասը 14.09.2021
«Made in Kurtan». այսուհետ այս բրենդը ճանաչելի է դարձնելու ոչ միայն արտադրվող հագուստը, այլև Ստեփանավանի տարածաշրջանում ծվարած այն փոքրիկ համայնքը, որտեղ արտադրվում է այն: «Աստղիկ» բարեգործական, հոլանդական «Մենսենքինդերեն» հիմնադրամների, հոլանդացի բարերարների աջակցությամբ՝ հագուստի արտադրության երբեմնի ավանդույթներ ունեցող այս բնակավայրում բացվել է կարի փոքրիկ արտադրամաս, սակայն այն հասցրել է ճանաչելի դառնալ ոչ միայն Հայաստանում, այլև աշխարհի տարբեր անկյուններում և այս ամենը «Աստղիկ» հիմնադրամի տնօրեն Մարիամ Անտոնյանի համառ ջանքերի ու նվիրումի շնորհիվ: Արտադրամասում ներկայում աշխատում է 7 կին՝ հնարավորություն ունենալով հոգալու ընտանեկան հոգսերը և սա մեծ աջակցություն է փոքր համայնքի համար:
Հայաստանի անկախության և Հայաստանի ու Ռումինիայի միջև դիվանագիտական հարաբերությունների հաստատման 30-ամյակի կապակցությամբ Լոռու մարզի քույր մարզ Հարգիտայում՝ Ռումինիայում Հայաստանի դեսպանատան հետ համագործակցությամբ, կազմակերպվել էր առցանց կոնֆերանս: Վերջինս կազմակերպվե էր Հարգիտայում արդեն 11-րդ անգամ անցկացվող Հայկական օրերի շրջանակներում: Կոնֆերանսին Լոռու մարզպետարանը ներկայացնում էին մարզպետի տեղակալ Գոռ Ասրյանը, մարզպետարանի կրթության, մշակույթի և սպորտի վարչության պետի տեղակալ Արփինե Մատինյանը, զարգացման ծրագրերի և վերլուծության բաժնի պետ Հասմիկ Մկրտչյանը, տեղեկատվության և հասարակայնության հետ կապերի բաժնի պետ Աննա Գասպարյանը։
Պարգևատրվեցին մի խումբ նվիրյալներ 09.09.2021
Արտակարգ իրավիճակների աշխատակցի օրվա առթիվ այսօր Լոռու մարզային փրկարարական վարչությունում կազմակերպվել էր հանդիսավոր միջոցառում, որին ներկա էին Լոռու մարզպետի տեղակալ Գոռ Ասրյանը, Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանը, Վանաձոր, Ալավերդի, Տաշիր, Ախթալա, Թումանյան, Սպիտակ, Գուգարք, Ստեփանավան համայնքների ղեկավարներն ու համայնքապետարանների ներկայացուցիչներ, համակարգի աշխատակիցներ, վետերաններ: Ներկաները մեկ րոպե լռությամբ հարգեցին 44-օրյա պատերազմում զոհված փրկարարների հիշատակը: Իր օրհնության խոսքը ներկաներին ուղղեց Գուգարաց թեմի առաջնորդը:
