Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Լոռու մարզպետի տեղակալ Հովհաննես Ավետիսյանը խորհրդակցություն անցկացրեց Վանաձորի համայնքապետարանի աշխատակազմի քարտուղարի պաշտոնակատար Հայկ Վիրաբյանի, Եկամուտների հաշվառման, հավաքագրման և գովազդի բաժնի պետի պաշտոնակատար Արմեն Այվազյանի, Առևտրի, սպասարկման և տրանսպորտի բաժնի պետի պաշտոնակատար Արման Մովսիսյանի մասնակցությամբ: Խորհրդակցությանը ներկա էր նաև Լոռու մարզպետի աշխատակազմի ֆինանսական վարչության պետ Մերի Դալլաքյանը: Խորհրդակցության ընթացքում անդրադարձ կատարվեց համայնքի սեփական եկամուտների հավաքագրման գործընթացին, տարբեր հարկատեսակների հավաքագրման մասով առաջացող ընթացիկ խնդիրներին:
Լոռու մարզպետի տեղակալ Հովհաննես Ավետիսյանի գլխավորությամբ, մարզպետի աշխատակազմի պատասխանատու պաշտոնյաների և համայնքերի ղեկավարների մասնացությամբ, այսօր աշխատանքային խորհրդակցություն անցկացվեց Լոռու մարզպետարանում: Քննարկվեցին մարզի համայնքներում իրականացվող սուբվենցիոն ծրագրերի ընթացքին,առկա խնդիրներին, ավարտական ակտերին վերաբերող և մի շարք այլ հարցեր: Հ. Ավետիսյանն իր խոսքում նշեց, որ մարզպետի աշխատակազմի պատասխանատու պաշտոնյաների կողմից պարբերաբար իրականացվող շրջայցերի և վերլուծությունների արդյունքում պարզ է դարձել, որ որոշ բնակավայրերում առկա են խնդիրներ՝ աշխատանքները սահմանված ժամկետներում ավարտելու, ավարտական ակտերի ստորագրման, ինչպես նաև՝ աշխատանքների որակի հետ կապված:
ՀՀ տարածքային կառավարման և ենթակառուցվածքների նախարար Գնել Սանոսյանը, Լոռու մարզպետ Արամ Խաչատրյանը, Տավուշի մարզպետ Հայկ Ղալումյանը, «Ճանապարհային դեպարտամենտ հիմնադրամի» գործադիր տնօրեն Գոռ Ավետիսյանը, Ասիական զարգացման բանկի հայաստանյան գրասենյակի ղեկավար Պաուլո Սպանտիգատին, ԱԺ պատգամավոր Արեն Մկրտչյանը և այլ հյուրեր մասնակցել են Հայաստան-Վրաստան սահմանային ճանապարհի (Մ-6, Վանաձոր-Բագրատաշեն) բարելավման ծրագրի շրջանակներում իրականացվող Թումանյան-Բագրատաշեն սահմանային անցակետ հատվածի հանդիսավոր բացման արարողությանը։
Աննախադեպ միջոցառում Վանաձորում՝ #ՖԵՍՏԻՎԱՌ 24.07.2023
Մի քանի օր Վանաձորն ակտիվ եռուզեռի մեջ էր: Լոռու մարզկենտրոնում նախապատրաստական աշխատանքներ էին իրականացվում մարզի և համայնքի համար աննախադեպ միջոցառման անցկացման համար: Առաջին ալիքը՝ ՀՀ ԿԳՄՍ նախարարության աջակցությամբ, Լոռու մարզպետարանի և Վանաձորի համայնքապետարանի հետ համագործընկերությամբ, հուլիսի 22-ին, կազմակերպել էր զբոսաշրջային և երաժշտական փառատոն՝ Լոռու մարզկենտրոն Վանաձորում: Վանաձորն ունեցել է աննախադեպ քանակությամբ հյուրեր՝ ինչպես Լոռու մարզի տարբեր բնակավայրերից, այնպես էլ՝ այլ մարզերից ու արտերկրից: Ամբողջ օրվա ընթացքում քաղաքի կենտրոնում ելույթ են ունեցել Լոռու մարզի անհատ կատարողները և խմբերը, իսկ երեկոյան ժամը 20:00-ին Հայքի հրապարակում մեկնարկել է մեծ համերգ՝ Հայաստանի պետական սիմֆոնիկ նվագախմբի մասնակցությամբ՝ սիմֆոնիկ էստրադա՝ Սոնա Ռուբենյան և Իվետա Մուկուչյան, սիմֆոնիկ Ռեինկարնացիա՝ Ռոլանդ Գասպարյան և Ռեինկարնացիա օրկեստրա, գլխավոր դիրիժոր՝ Սերգեյ Սմբատյան:
«Ուտելի բույսերի փառատոն»՝ Դսեղում «Արի՛ Լոռի, գնանք քոլի» 24.07.2023
ՀՀ էկոնոմիկայի նախարարության զբոսաշրջության կոմիտեի աջակցությամբ, Լոռու մարզպետարանի հետ համագորակցությամբ այս տարի «Ուտելի բույսերի փառատոնն» անցկացվեց հուլիսի 22-ին՝ Լոռվա չնաշխարհիկ Դսեղ գյուղում։ Արդեն չորրորդ անգամ Ուտելի բույսերի փառատոնը կազմակերպվում է ՀԿ կենտրոնի կողմից։ Այս տարի «Ուտելի բույսերի փառատոնի» կարգախոսն է՝ «Արի՛ Լոռի, գնանք քոլի»։ Միջոցառմանը ներկա էին և իրենց ու մարզպետ Արամ Խաչատրյանի ողջույններն էին բերել Լոռու մարզպետի տեղակալ Գոռ Ասրյանը, մարզպետի խորհրդական Տիգրան Հովսեփյանը: Փառատոնին մասնակցում էին բազմաթիվ հյուրեր, զբոսաշրջիկներ: Նրանք շրջեցին տաղավարներով, համտեսեցին բազմազան ուտեստները, ներկա գտնվեցին վարպետաց դասերին:
Աշխատանքային այցով հուլիսի 21֊ին Վանաձորում էր ՀՀ Տարածքային կառավարման և ենթակառուցվածքների նախարար Գնել Սանոսյանը: Լոռու մարզպետ Արամ Խաչատրյանի, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանի, Վանաձոր համայնքի ղեկավարի պաշտոնակատար Արկադի Փելեշյանի ուղեկցությամբ նախարարն այցելել է Լոռու մարզկենտրոնում հիմնանորոգվող ճանապարհերի շինարարական հրապարակներ։ Նրանք հետևել են պետություն-համայնք համատեղ ներդրմամբ՝ սուբվենցիոն ծրագրերի շրջանակներում, իրականացվող Հր․ Ներսիսյան և Մոսկովյան փողոցներում կատարվող շինաշխատանքների ընթացքին։ Ներսիսյան փողոցում աշխատանքները ասֆալտապատման փուլում են, Մոսկովյան փողոցում կատարվում են մայթերի նորոգման աշխատանքներ, որից հետո կսկսվի բուն ասֆալտապատման գործընթացը։
