Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարանի աշխատակիցները տեսակցեցին 2-ամյա Արևիկին 04.05.2022
Լոռու մարզպետ Արամ Խաչատրյանի հանձնարարությամբ Լոռու մարզպետարանի ընտանիքի, կանանց և երեխաների իրավունքների պաշտպանության բաժնի մասնագետները տեսակցեցին Երևանի «Սուրբ Աստվածամայր» բժշկական կենտրոնում բուժում ստացող 2-ամյա Արևիկին, ով օրեր առաջ 3-4 մետր բարձրությունից ընկել էր Դեբեդ գետը: Մինչ այցելությունը բաժինն ամեն օր իրազեկվում էր երեխայի առողջական վիճակի մասին:
«Հասարակական կազմակերպություններից և մարզպետարանի կառուցվածքային ստորաբաժանումների ներկայացուցիչներից կազմված աշխատանքային խմբի» անդամ, «Ուղղակի ժողովրդավարություն» ՀԿ ներկայացուցիչ Արբակ Սարգսյանի առաջարկությամբ այսօր հրավիրվել էր խմբի արտահերթ նիստ՝ «Լոռու մարզի համայնքների խոշորացման հետ կապված Աշխատանքային խմբի իրավասությունների շրջանակներում աշխատանքային խումբ ստեղծելու, հանրային լսումներ կազմակերպելու, խոշորացվող համայնքների բնակիչների հետ քննարկումներ անցկացնելու, աշխատանքային խմբի անունից ՀՀ Ազգային ժողով և ՀՀ կառավարություն քննարկումների արդյունքների մասին տեղեկատվություն ներկայացնելու վերաբերյալ» օրակարգով:
Համապետական շաբաթօրյակը՝ Լոռու մարզում 02.05.2022
Լոռու մարզի տարածքում, ըստ նախնական ուսումնասիրությունների առկա է եղել 95 աղբանոց, ինչպես նաև աղտոտված վայրեր: Մարզում Համապետական շաբաթօրյակի կազմակերպչական աշխատանքներն իրականացրել և համակարգել է Լոռու մարզպետարանը: Աշխատանքներում ներգրավվել են մարզի թվով 16 խոշորացված համայնքներն՝ իրենց բնակավայրերով: Մարզի տարածքում առանձնացվել են տեղամասեր, որտեղ աշխատանքներ են իրականացրել Լոռու մարզպետարանը, համայնքապետարանները, կրթական ու առողջապահական բոլոր հիմնարկները, պետական և համայնքային նշանակության կառույցներն ու կազմակերպությունները և այլոք:
Եվրամիությունը Հայաստանի հյուսիսային մարզերում, այդ թվում՝ Լոռու մարզում, շարունակում է դրամաշնորհային ծրագրեր իրականացնել՝ միգրանտների և նրանց ընտանքիների կողմից հիմնադրած կամ ապագայում ստեղծվելիք բիզնես- գործունեության զարգացման ուղղությամբ: Ծրագրի մանրամասներն ու մասնակցության պայմանները հերթական ծրագրի մեկնարկից առաջ մարզի վարչական շրջանների և բնակավայրերի ղեկավարներին ներկայացրեցին Լոռու մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը և «Միգրացիոն քաղաքականության մշակման միջազգային կենտրոնի» ծրագրերի պատասխանատու Անդրեյ Աբոյանը:
Ապրիլի 25-29-ը Լոռու մարզում քաղաքացիական պաշտպանության վիճակի համալիր գնահատման նպատակով անցկացվեց շտաբային ուսումնավարժություն: Այսօր Լոռու մարզպետարանում ամփոփվեցին ուսումնավարժության արդյունքները: Խորհրդակցությունը վարում էին Լոռու մարզպետ Արամ Խաչատրյանը և ԱԻՆ քաղպաշտպանության վարչության պետ, փ/ծ գնդապետ Էդար Սնգրյանը: Ներկա էին մարզի քաղաքացիական պաշտպանության, ուժային կառույցների, փրկարար և սպասարկման ծառայությունների, մարզպետարանի ներկայացուցիչներ: Ուսումնավարժության արդյունքները գնահատվեցին բավարար:
Երթևեկության անվտանգության կանոնների իրազեկման միջոցառում՝ մարզի երկաթուղային գծանցումներում 28.04.2022
Լոռու մարզպետարանի և Պարեկային ծառայության հետ համատեղ Հարավկովկասյան երկաթուղին իրազեկման ակցիա է իրականացրել մարզի երկաթուղային գծանցումներում։ Երկաթուղում ավտոտրանսպորտային միջոցների և հետիոտների մասնակցությամբ վթարային պատահարները կանխելու նպատակով իրականացված ակցիայի շրջանակներում տրանսպորտային միջոցների վարորդներին բաժանվել են անվտանգ հատման կանոնների վերաբերյալ տեղեկատվական նյութեր՝ բացատրելով առավել հաճախ պատահող վթարային իրավիճակներից խուսափելու համար վարորդների պարտականությունները։
