Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ կառավարության որոշմամբ Լոռու մարզպետարանին հատկացվել է ևս 27 մլն 740 հազար դրամ՝ 2022թ․-ի սեպտեմբեր և հոկտեմբեր ամիսներին անցկացված կամավոր ատեստավորման՝ 70 և ավելի տոկոս արդյունք ցուցաբերած ուսուցիչների դրույքաչափի և դրան հատկացվող հավելավճարի տրամադրման նպատակով։ Գումարը տրամադրվել է ՀՀ կրթության, գիտության, մշակույթի և սպորտի նախարարությանը՝ 2022 թ.-ի պետական բյուջեով հատկացված միջոցներից կատարված վերաբաշխման արդյունքում:
Պետական աջակցություն՝ սահմանամերձ գյուղական բնակավայրերում անհատական բնակելի տուն կառուցելու համար 23.11.2022
Պետական աջակցություն՝ սահմանամերձ գյուղական բնակավայրերում անհատական բնակելի տուն կառուցելու համար։ Ծրագրի շրջանակում ֆինանսական աջակցություն է տրամադրվում հիփոթեքային վարկի մայր գումարի մինչև 16 մլն դրամի և դրա գծով մինչև 13% տոկոսադրույքի չափով հաշվեգրվող տոկոսագումարների մարման համար։ Տեսանյութը հասանելի է այս հղմամբ՝ https://youtu.be/vBVjEke6KAY
Լոռի-Փամբակի երկրագիտական թանգարանում կազմակերպվել է Շուշիի գորգերի ցուցադրության 23.11.2022
Լոռու մարզպետի տեղակալ Գոռ Ասրյանը ներկա է գտնվել Լոռի-Փամբակի երկրագիտական թանգարանում կազմակերպված Շուշիի գորգերի ցուցադրությանը, որտեղ ներկայացված են 2020թ.-ի 44-օրյա պատերազմի ընթացքում ոչնչացումից փրկված մշակութային ժառանգության յուրօրինակ նմուշները։ Ցուցադրությունը կազմակերպվել է թանգարանի տնօրեն Արմինե Ավդալյանի և Շուշիի գորգերի թանգարանի հիմնադիր-տնօրեն Վարդան Ասծատրյանի նախաձեռնությամբ և համատեղ աշխատանքի արդյունքում։ Թանգարանն իր հարկի տակ համախմբել էր Լոռու մարզի մշակութասեր հասարակությանը:
Լոռու մարզի պատվիրակությունը EULEAD4LoriTavush ծրագրի շրջանակներում այցելել է Ավստրիա և Սլովենիա 22.11.2022
Եվրոպական միության «Տեղական դերակատարների զորեղացում հանուն զարգացման Լոռու և Տավուշի մարզերում» (EULEAD4LoriTavush) ծրագրի շրջանակներում ՄԱԿ-ի պարենի և գյուղատնտեսության կազմակերպությունը երկու ուսումնական այց է կազմակերպել Ավստրիա և Սլովենիա։ Մասնակիցները Լոռու և Տավուշի մարզպետարանների և ծրագրի թիրախային համայնքների, ինչպես նաև ծրագիրն իրականացնող կազմակերպությունների՝ ՄԱԶԾ-ի և ՊԳԿ-ի ներկայացուցիչներն են եղել:
Անվճար հետազոտություններ մարզերում 21.11.2022
Հարգելի՛ հայրենակիցներ, ուշադրությու՛ն, սիրով ուզում ենք տեղեկացնել, որ ՀՀ ԱՆ Ինֆեկցիոն հիվանդությունների ազգային կենտրոնի շարժական բուժախտորոշիչ կլինիկան շուտով կայցելի տարբեր մարզեր՝ կատարելու անվճար հետազոտություններ։ Այսպիսով, առաջիկա այցելությունների վայրերն են՝ նոյեմբերի 22-ին՝ 11:00-17:00-ն՝ Լոռի՝ քաղաք Վանաձոր (Արցախի պուրակ), նոյեմբերի 23-ին՝ 11:00-17:00-ն՝ Արարատի մարզ, քաղաք Արտաշատ (գյուղատնտեսական շուկայի տարածք), նոյեմբերի 24-ին՝ 11:00-17:00-ն՝ Արմավիրի մարզ, քաղաք Արմավիր, (գյուղատնտեսական շուկայի տարածք):
Անցկացվեց Լոռի Բերդ համայնքի ավագանու առաջին նիստը 15.11.2022
Լոռի Բերդ համայնքի համայնքապետարանում անցկացվեց համայնքի ավագանու՝ օրենքի ուժով գումարված առաջին նիստը՝ ավագանու բոլոր 15 անդամների մասնակցությամբ։ Նիստին ներկա էին Լոռու մարզպետի տեղակալ Գոռ Ասրյանը, մարզպետարանի պատասխանատու պաշտոնյաներ: Նիստի օրակարգային հարցերից էր Լոռի Բերդ համայնքի ղեկավարի երդման արարողության կարգի հաստատումը, Լոռի Բերդի համայնքապետարանը և ավագանու նստավայրը ժամանակավորապես տեղափոխելու հարցը և ավագանու առաջին նստաշրջանի հերթական նիստի օրվա և ժամանակի սահմանումը։ Հանդիսավորությամբ բաշխվեցին նաև ավագանու մանդատները։
