Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տնակային ավանում ավելի քան 3 տասնամյակ բնակվող 2 ընտանիք բնակարանամուտ տոնեց 10.05.2022
Լոռու մարզպետարանի, «ԱՌՔ» բարեգործական հիմնադրամի և Վանաձորի համայնքապետարանի եռակողմ համագործակցության շնորհիվ այսօր Վանաձորի Տարոն 4 թաղամասում բնակարանամուտ տոնեց տնակային ավանում 33 տարի բնակվող 2 ընտանիք: Բնակարանամուտի արարողությանը ներկա էին Լոռու մարզպետ Արամ Խաչատրյանը, «ԱՌՔ» բարեգործական հիմնադրամի հոգաբարձուների խորհրդի նախագահ Հրաչ Հակոբյանը, հիմնադրամի տնօրեն Հրահատ Ստեփանյանը, Վանաձորի համայնքապետարանի աշխատակազմի քարտուղարի պաշտոնակատար Դավիթ Հակոբյանը, Լոռու մարզպետարանի, Վանաձորի համայնքապետարանի աշխատակիցներ, շինարարությունն իրագործող կազմակերպության ներկայացուցիչները:
Հայրենական մեծ պատերազմի հաղթանակի 77-րդ տարեդարձը նշվեց Լոռու մարզում 09.05.2022
Հայրենական մեծ պատերազմում տարած հաղթանակի 77-րդ տարեդարձի և Խաղաղության օրվա կապակցությամբ այսօր Լոռու մարզպետ Արամ Խաչատրյանը, փոխմարզպետներ Գոռ Ասրյանը, Հովհաննես Ավետիսյանը, Գուգարաց թեմի Սուրբ Գրիգոր Նարեկացի առաջնորդանիստ մայր եկեղեցու հոգևոր հովիվ Տեր Վահան քահանա Ազարյանը, մարզային, քաղաքային իշխանությունների ներկայացուցիչներ, ԵԿՄ անդամներ, վետերաններ ու զինվորականներ այցելել էին Մեծ Հայրենականի հաղթանակին նվիրված հուշակոթող՝ հարգանքի տուրք մատուցելու հաղթանակի կերտման գործում իրենց անուրանալի ներդրումն ունեցած հայորդիների հիշատակին։ Միջոցառումը վարում էր ասմունքող, դերասան Ջիվան Սարգսյանը: Զինվորական նվագախումբը հանդես էր գալիս խորհրդանշական կատարումներով։
Պատերազմի վետերան 97-ամյա Սուրեն Պապիկյանը պարգևատրվեց մարզպետի շնորհավորագրով 09.05.2022
Երկրորդ համաշխարհային պատերազմում ֆաշիզմի դեմ տարած հաղթանակի գործում իր մեծ ներդրումն է ունեցել հայ ժողովուրդը։ Հայորդիներից շատերն են ընկել հերոսի մահով, շատերն էլ տուն են դարձել՝ շենացրել իրենց օջախը, սերունդներ կրթել իրենց հերոսական կերպարով։ Այսօր, ցավոք, Հայրենական պատերազմի մասնակիցներից քչերն են կենդանի։ Նրանց շարքերը տարեցտարի նոսրանում են։ Լոռու մարզի Լոռի Բերդ համայնքում է բնակվում պատերազմի վետերան, 97-ամյա Սուրեն Պապիկյանը, ով նաև այսօր տոնում է իր ծննդյան տարեդարձը։
Խունկ և օրհնություն հերոս զավակների անմահ հիշատակին 08.05.2022
Մայիսի 8-ի՝ Երկրապահի օրվա առթիվ և Արցախյան ազատամարտում իրենց կյանքը հայրենիքին նվիրաբերած հայորդիների անմար հիշատակի համար մարզային ու քաղաքային իշխանության ներկայացուցիչները, երկրապահներն ու ազատամարտիկները, զինվորականներ, ուժային կառույցների ներկայացուցիչներ Լոռու մարզպետ Արամ Խաչատրյանի գլխավորությամբ մասնակցեցին ոգեկոչման միջոցառման՝ Գուգարաց թեմի առաջնորդարանի բակում տեղադրված Շուշիի խաչքարի մոտ:
Սիրելի՛ լոռեցիներ, Հայրենական Մեծ պատերազմի հարգելի՛ վետերաններ, երկրապահնե՛ր, զինվորնե՛ր ու սպանե՛ր, ջերմորեն շնորհավորում եմ Հայրենական մեծ պատերազմում տարած հաղթանակի 77-րդ տարեդարձի և Երկրապահի օրվա առթիվ:
Վանաձորում գործող «ՄԻԳ» հեռուստառադիոընկերությունը նշում է իր հիմնադրման 25-ամյակը, և այս կարևոր առիթը բնականաբար չէր կարող վրիպել մարզային իշխանությունների ուշադրությունից: Լոռու մարզպետ Արամ Խաչատրյանի հրավերով մարզպետարանում այսօր հյուրընկալվել էին ընկերության ղեկավար կազմը և աշխատակիցները:
