Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանն ընդունել է «ՀՀ Վարչապետի գավաթ» դպրոցականների թիմային խճուղավազքի հանրապետական եզրափակիչ փուլում երրորդ տեղը գրաված Վանաձորի թիվ 5 ավագ դպրոցի աշակերտներին, դպրոցի տնօրենին և ֆիզկուլտուրայի ուսուցիչներին։
Շնորհակալագրեր հայրենիքի պաշտպանության գործին անձնվիրաբար մասնակցելու համար 30.05.2022
Լոռու մարզպետ Արամ Խաչատրյանը հյուրընկալել էր Սպիտակի Ս. Ավետիսյանի անվան ավագ դպրոցի զինղեկ Վոլոդյա Հարությունյանին, Ստեփանավանի Հ. Թումանյանի անվան ավագ դպրոցի ֆիզկուլտուրայի ուսուցիչ Դանիել Սիմոյանին, Վանաձորի Ա. Պուշկինի անվան թիվ 4 հիմնական դպրոցի զինղեկ Արթուր Մարդանյանին, ովքեր մասնակցել են Ադրբեջանի կողմից Արցախի Հանրապետության դեմ սանձազերծված 44-օրյա պատերազմին:
Շահումյանի միջնակարգ դպրոց այցը «Դպրոցական սնունդ» ծրագրին ծանոթանալու նպատակ ուներ 30.05.2022
ՄԱԿ-ի Պարենի համաշխարհային ծրագիրը Ռուսաստանի դեսպանատան աջակցությամբ ներդրումներ է կատարել Լոռու մարզի Շահումյանի միջնակարգ դպրոցում խոհանոցի և ճաշարանի վերանորոգման, սարքավորումների ձեռքբերման համար՝ բարձրացնելով դպրոցի կարողությունները, ապահովելով անվտանգ, բազմազան և սննդարար կերակուր ավելի քան 90 դպրոցականների համար, որոնց մի մասը սոցիալապես անապահով ընտանիքներից է:
Լոռու մարզպետ Արամ Խաչատրյանի շնորհավորական ուղերձը Հանրապետության տոնի առթիվ 27.05.2022
Սիրելի՛ լոռեցիներ, շնորհավորում եմ Հանրապետության տոնի` Հայաստանի առաջին հանրապետության հռչակման 104-րդ տարեդարձի առթիվ: Շուրջ վեցհարյուրամյա ընդմիջումից հետո, Հայոց անկախ պետականության վերականգնումն արդյունք էր այն փառավոր հերոսամարտերի, որ հայ ժողովուրդը մղեց Սարդարապատի, Բաշ-Ապարանի և Ղարաքիլիսայի ճակատամարտերում, որոնք դարձան հայ ժողովրդի անսասան կամքի և հերոսականության առհավատչյան: Հաղթանակը կայացավ զենքով ու հազարավոր քաջորդիների մաքառումով, հերոսացումով, պայքարով, նահատակությամբ, նրանց մայրերի ու զավակների, կանանց ու հայրերի սպասումների, տագնապների գնով:
Լոռու մարզպետ Արամ Խաչատրյանն այսօր հյուրընկալել էր Լոռու մարզի թանգարանների մի խումբ աշխատակիցների՝ Թանգարանների օրվա առթիվ անձամբ շնորհավորելու և նրանց կատարած անձնվեր ու անշահախնդիր աշխատանքն արժևորելու նպատակով: Թանգարանային արժեքների պահպանման, թանգարանների զարգացման և հանրահռչակման գործում ունեցած մեծ ներդրման համար Արամ Խաչատրյանը բարեմաթանքի և գնահատանքի ջերմ խոսքեր հղեց ու մարզպետի շնորհակալագրերով պարգևատրեց Ալավերդու Միկոյան եղբայրների տուն-թանգարանի տնօրեն Հայկանուշ Աղբալյանին, Ստեփանավանի Ստեփան Շահումյանի տուն-թանգարանի թանգարանային բաժնի վարիչ Տաթևիկ Գագինյանին, ֆոնդապահ Անահիտ Սարգսյանին, Դսեղի Հովհաննես Թումանյանի տուն-թանգարանի ֆոնդապահ Վերիչկա Աղաջանյանին, Վանաձորի Ստեփան Զորյանի տուն-թանգարանի փոխտնօրեն Ջիվան Սարգսյանին, Լոռի-Փամբակի երկրագիտական թանգարանի գրադարանավար Գայանե Հարությունյանին, Կառլոս Աբովյանի անվան կերպարվեստի թանգարանի հսկիչ Գայանե Գևորգյանին:
Ռուսաց լեզվի և ռուսական մշակույթի փառատոնում լոռեցի դպրոցականները նվաճել են մրցանակային տեղեր 26.05.2022
Գյումրիում Ռուսական տան նախաձեռնությամբ Հայորդաց տանն է անցկացվել «Ռուսաց լեզվի և ռուս մշակույթի փառատոնի» գալա համերգը, որին մասնակցել են աշակերտներ նաև Լոռու մարզի դպրոցներից: Արդյունքները գոհացուցիչ էին. փառատոնի հաղթողներ են ճանաչվել նաև լոռեցի դպրոցականները:
