Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Երջանիկ մանկություն» միջոցառումը՝ նվիրված Երեխաների պաշտպանության միջազգային օրվան 02.06.2022
Երեխաների հատուկ ստեղծագործական կենտրոնի Վանաձորի մասնաճյուղի նախաձեռնությամբ՝ ի դեմս ղեկավար Սուսաննա Ապրեսյանի, Երեխաների պաշտպանության միջազգային օրվան նվիրված Շառլ Ազնավուրի անվան մշակույթի պալատում կազմակերպվել էր գեղեցիկ միջոցառում, որը կրում էր «Երջանիկ մանկություն» խորագիրը:
Լոռու մարզպետ Արամ Խաչատրյանի շնորհավորական ուղերձը Վերջին զանգի կապակցությամբ 02.06.2022
Սիրելի՛ շրջանավարտներ, շնորհավորում եմ բոլորիդ Վերջին զանգի՝ այս հիշարժան օրվա կապակցությամբ: Այս ուսումնական տարում Լոռու մարզում աշակերտական նստարանին հրաժեշտ է տալիս 1629 շրջանավարտ, 9-րդ դասարանն ավարտում է 4216 աշակերտ: Ձեզ համար, սիրելի՛ շրջանավարտներ, կյանքի նոր հորիզոններ են բացվելու և դուք մուտք եք գործելու առավել պատասխանատու մի շրջան, երբ որոշումների կայացումը կանխորոշելու է ձեր հասուն կյանքի հետագա ուղին: Ուստի մաղթում եմ ձեզ, որ լինեք առավել ուշիմ, խելացի, հաստաատակամ ու սկզբունքային:
«Կյանքի ուժը» համերգ՝ նվիրված 44-օրյա պատերազմի նահատակների հիշատակին 02.06.2022
Վանաձորի Շառլ Ազնավուրի անվան մշակույթի պալատում «Արփի» հասարակական կազմակերպությունը Intra Mental Health Center-ի հետ միասին կազմակերպել էր «Կյանքի ուժը» խորագրով համերգ՝ նվիրված 44-օրյա պատերազմի նահատակների հիշատակին: Ներկա էին Լոռու մարզպետի խորհրդական Տիգրան Հովսեփյանը, Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանը, մարզպետարանի և Վանաձորի համայնքապետարանի պաշտոնյաներ, այլ հրավիրված անձինք։
Փառքի սենյակ՝ նվիրված Լեռնապատի դպրոցի՝ արցախյան 44-օրյա պատերազմում զոհված սաների հիշատակին 02.06.2022
Լեռնապատի միջնակարգ դպրոցում տեղի ունեցավ հուշ-ցերեկույթ և փառքի սենյակի բացման արարողություն՝ նվիրված դպրոցի շրջանավարտներ Արտակ Հակոբջանյանին և Գոռ Աբազյանին, ովքեր հերոսաբար զոհվել են արցախյան 44- օրյա պատերազմում: Միջոցառմանը ներկա էին Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը, կրթության բաժնի ավագ մասնագետ Մարինե Նահապետյանը, Փամբակ խոշորացված համայնքի ղեկավար Սուրեն Կոստանդյանը, համայնքապետարանի աշխատակիցներ, զոհվածների ծնողները, հարազատները, դպրոցի աշակերտական և ուսուցչական կազմը։
Լոռու մարզպետ Արամ Խաչատրյանի շնորհավորական ուղերձը Երեխաների պաշտպանության միջազգային օրվա առթիվ 01.06.2022
Սիրելի՛ փոքրիկներ, ջերմորեն շնորհավորում եմ Երեխաների պաշտպանության միջազգային օրվա կապակցությամբ: Հունիսի 1-ը տարվա ամենագեղեցիկ և ուրախ տոներից մեկն է: Մաղթում եմ, որպեսզի խաղաղությունը, անհոգությունը, երջանկությունը լինեն ձեր մշտական ուղեկիցը, շրջապատված լինեք անսահման սիրով ու հոգատարությամբ:
Այսօր Լոռու մարզպետ Արամ Խաչատրյանն ընդունել է «Վարան պարտո դարման» (Varan Parto Darman) իրանական առողջապահական կազմակերպության գործադիր տնօրեն Մոհամմադ Հաջաթփանահին և «Իրա մեդիքլ գրուպ» ընկերության մարքեթինգի մասնագետ Կարեն Ավանեսյանին: Հանդիպմանը ներկա են եղել նաև Լոռու մազպետարանի առողջապահության և սոցիալական ապահովության վարչության պետ Ռուզաննա Պողոսյանը, Ալավերդու բժշկական կենտրոնի տնօրեն Ստեփան Մոսինյանը:
