Տեղեկատվական կենտրոն
Նորություններ
![ՀՀ վարչապետի տիկին Աննա Հակոբյանը հունիսի 6-7-ը Լոռու մարզում էր ՀՀ վարչապետի տիկին Աննա Հակոբյանը հունիսի 6-7-ը Լոռու մարզում էր](http://lori.mtad.am/files/n_pics/32149_s.jpg)
ՀՀ վարչապետի տիկին Աննա Հակոբյանը հունիսի 6-7-ը Լոռու մարզում էր 10.06.2022
ՀՀ վարչապետի տիկին Աննա Հակոբյանը հունիսի 6-7-ը այցելել է Լոռու մարզ, որտեղ մեկ տասնյակից ավելի պաշտոնական և մասնավոր հանդիպումներ է ունեցել։ Աննա Հակոբյանի այցը Լոռու մարզ սկսվել է Վանաձորից: Առաջին կանգառը Վանաձորի բժշկական կենտրոնն է եղել, որտեղ նրան դիմավորել են Լոռու մարզպետ Արամ Խաչատրյանը, Վանաձորի քաղաքապետի ժամանակավոր պաշտոնակատարը, բուժկենտրոնի տնօրենը: Բուժկենտրոնի անձնակազմը Աննա Հակոբյանին ուղեկցել է ծննդաբերական բաժանմունք, որտեղ 3 օրում ծնվել է 23 երեխա` 16 տղա և 7 աղջիկ: Վարչապետի տիկինը տեսակցել է բոլոր նորածիններին: Նրանց մայրերին նվիրելով ծաղկեփունջ` Աննա Հակոբյանն ընդգծել է, որ ծնողներից է կախված իրենց երեխաների ապագան և հույս հայտնել, որ նրանք մեծ ուշադրություն կդարձնեն իրենց զավակների առողջությանն ու կրթությանը։
![Վանաձորի կերպարվեստի թանգարանում բացվեց գեղանկարիչ, Արցախյան 44-օրյա պատերազմի հերոս Գոռ Հակոբյանի ստեղծագործությունների ցուցահանդեսը Վանաձորի կերպարվեստի թանգարանում բացվեց գեղանկարիչ, Արցախյան 44-օրյա պատերազմի հերոս Գոռ Հակոբյանի ստեղծագործությունների ցուցահանդեսը](http://lori.mtad.am/files/n_pics/32153_s.jpg)
Այսօր Վանաձորի կերպարվեստի թանգարանում տեղի ունեցավ 44-օրյա պատերազմի հերոս, գեղանկարիչ Գոռ Հակոբյանի ստեղծագործությունների ցուցահանդեսի բացման արարողությունը: Միջոցառմանը ներկա էին Լոռու մարզպետի տեղակալ Գոռ Ասրյանը, հերոսի հարազատները, հարազատ բուհի պրոֆեսորադասախոսական անձնակազմը, ուսանողներ, հյուրեր: Գոռ Հակոբյանը ծնունդով Ալավերդի քաղաքից էր, ծառայել է սահմանապահ զորքերում և ընկել թշնամու գնդակից վերջին պատերազմի ընթացքում: Հիշատակի միջոցառմանը ներկայացվեցին հերոսի մասնագիտական ձեռքբերումները, մարդկային որակները, իսկ նրա մտերիմները պատմեցին դրվագներ մարտական սխրանքներից:
![Մ-3 միջպետական նշանակության ավտոճանապարհի հիմնանորոգումը կավարտվի այս տարի Մ-3 միջպետական նշանակության ավտոճանապարհի հիմնանորոգումը կավարտվի այս տարի](http://lori.mtad.am/files/n_pics/32156_s.jpg)
Մ-3 միջպետական նշանակության ավտոճանապարհի հիմնանորոգումը կավարտվի այս տարի 10.06.2022
Հիմնանորոգման ընթացքում է Մ-3, Թուրքիայի սահման-Մարգարա-Վանաձոր-Տաշիր-Վրաստանի սահման միջպետական նշանակության ավտոճանապարհի կմ 154+000-կմ176+900 հատվածը։ 22.9 կմ երկարությամբ ճանապարհն անցնում է Լոռու մարզի Ստեփանավան, Տաշիր համայնքներով և հասնում մինչև Միխայլովկա բնակավայր։ Ստեփանավան համայնքում ասֆալտապատումն ընթացքում է, այստեղ կատարվում են նաև կամրջի նորոգման աշխատանքներ։ Կառուցվել է ջրագիծ և կոյուղի։
![Երեխաների իրավունքների պաշտպանության օրը՝ Վահագնաձորում Երեխաների իրավունքների պաշտպանության օրը՝ Վահագնաձորում](http://lori.mtad.am/files/n_pics/32094_s.jpg)
Երեխաների իրավունքների պաշտպանության օրը՝ Վահագնաձորում 06.06.2022
Վահագնաձորի հիմնական դպրոցում կազմակերպվել է «Խաղաղություն, կյանք ու արև» խորագրով միջոցառում, որին ներկա են եղել Լոռու մարզպետի տեղակալ Հովհաննես Ավետիսյանը, Լոռու մարզպետի խորհրդական Տիգրան Հովսեփյանը, մարզպետարանի և համայնքապետարանի այլ պաշտոնյաներ, բարերարներ։ Աշակերտներն իրենց երգ ու պարով, երգիծական համարներով ապահովել են ներկաների բարձր տրամադրությունը: Միջոցառման ավարտին փոխմարզպետը և մարզպետի խորհրդականը շրջել են դպրոցում, դիտել աշակերտների ձեռքի աշխատանքները, ծավալել ջերմ ու անմիջական զրույց աշակերտների հետ։ Հովհաննես Ավետիսյանը շնորհավորել է փոքրիկներին Երեխաների պաշտպանության միջազգային օրվա առթիվ, մաղթել պայծառ ու անհոգ մանկություն, խաղաղ երկինք, անսպառ ժպիտներ:
![Եվ հնչեց վերջին անգամ... Եվ հնչեց վերջին անգամ...](http://lori.mtad.am/files/n_pics/32100_s.jpg)
Եվ հնչեց վերջին անգամ... 06.06.2022
Վերջին զանգի օրը տոնական էր բոլոր դպրոցներում: Ավարտական հանդիսավոր արարողություններին մասնակցելու, մարզպետ Արամ Խաչատրյանի անունից շրջանավարտներին շնորհավորելու էին մեկնել Լոռու մարզպետարանի պաշտոնյաները: Լոռու մարզում դպրոցին հրաժեշտ է տալիս 1629 շրջանավարտ, 9-րդ դասարանն ավարտում է 4216 աշակերտ: Սիրելի՜ շրջանավարտներ, Լոռու մարզպետարանի աշխատակազմը շնորհավորում է ձեզ Վերջին զանգի կապակցությամբ, մաղթում խաղաղ երկինք և բարի երթ:
![Կարեն Թռչունյանը Վանաձորում մասնակցել է «Վերջին դասի» տոնական միջոցառմանը Կարեն Թռչունյանը Վանաձորում մասնակցել է «Վերջին դասի» տոնական միջոցառմանը](http://lori.mtad.am/files/n_pics/32101_s.jpg)
Կարեն Թռչունյանը Վանաձորում մասնակցել է «Վերջին դասի» տոնական միջոցառմանը 06.06.2022
ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանն այսօր աշխատանքային այցով Վանաձորում էր: Փոխնախարարը և ԿԳՄՍՆ բարձրագույն և հետբուհական մասնագիտական կրթության վարչության պետ Լուսինե Գրիգորյանը ներկա են եղել Վանաձորի Վահան Տերյանի անվան թիվ 5 ավագ դպրոցի «Վերջին դասի» տոնական միջոցառմանը: Այն ավագ դպրոցի համար 85-րդ հոբելյանական «Վերջին դասն» էր: