Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Ուտելի բույսերի փառատոնը»՝ Դսեղում 13.06.2022
Լոռու գեղատեսիլ Դսեղ գյուղում անցկացվեց արդեն ավանդական դարձած «Ուտելի բույսերի փառատոնը», որը կազմակերպել էր «ՀԿ Կենտրոն» քաղաքացիական հասարակության զարգացման ՀԿ-ի կողմից՝ ՏՈՒԿ սոցիալական ձեռնարկության հետ համատեղ։ Փառատոնին մասնակցում էին Լոռու մարզի գյուղական համայնքները, ՀՀ-ում սոցիալական ձեռնարկությունները, Դսեղ համայնքի բնակիչները, ովքեր առանձին տաղավարներում ներկայացնում էին ուտելի բույսեր, որոնցով այնքան հարուստ է Լոռվա բնաշխարհը, բույսերից պատրաստված պահածոներ, ձեռագործ աշխատանքներ և այլ թեմատիկ աշխատանքներ։ Արդեն երրորդ անգամ անցկացվող փառատոնի նպատակն է հանրայնացել հայկական ավանդական հարուստ ու բազմազան խոհանոցը և դրանով նպաստել Լոռու մարզում, մասնավորապես Դսեղում զբոսաշրջության զարգացմանը։
Քննարկել են համատեղ իրականացված և համագործակցության հետագա ծրագրերը 13.06.2022
Լոռու մարզպետի տեղակալ Գոռ Ասրյանն այսօր ընդունել է ԱՄՆ դեսպանատան ռազմական համագործակցության գրասենյակի անդամներին, մարզի բժշկական հաստատությունների և մանկապարտեզների ղեկավարներին։ Հանդիպմանը քննարկվել են գրասենյակի հետ նախորդ երկու տարիներին համատեղ իրականացված ծրագրերը, որոնց շրջանակում մարզի մանկապարտեզներին, բժշկական կենտրոններին ու համաբուժարաններին տրամադրվել է գույք, կորոնավիրուսային համավարակի դեմ պայքարի շրջանում՝ սատուրոմետրեր և ինֆրակարմիր ջերմաչափեր։
Մեկնարկեց ամառային զորակոչը 13.06.2022
Այսօր պարտադիր ժամկետային զինվորական ծառայության մեկնեցին ամառային զորակոչի առաջին հավաքի նորակոչիկները՝ Վանաձոր խոշորացված համայնքից։ Վանաձորի Կոտրած եկեղեցու տարածքից նորակոչիկներին հանդիսավորությամբ ճանապարհելու էին եկել Լոռու մարզպետ Արամ Խաչատրյանը, ԱԺ պատգամավոր Արփինե Դավոյանը, Վանաձորի համայնքապետի պաշտոնակատար Արկադի Փելեշյանը, մարզային և համայնքային պաշտոնյաներ, ուժային կառույցների ներկայացուցիչներ, զինակոչիկների ծնողները, հարազատներն ու ընկերները: Զորակոչիկներին օրհնության խոսք ասաց Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը: Ողջունելով ներկաներին՝ մարզի ղեկավարը տղաներին մաղթեց առողջություն, խաղաղ ու անփորձանք ծառայություն և բարի վերադարձ:
«Մեծ հաղթանակի դեմքերը»․ ցուցահանդես Մեծ Հայրենականում տարած հաղթանակի 77-ամյակի առթիվ 13.06.2022
Մեծ Հայրենական պատերազմում տարած հաղթանակի 77-ամյակի առթիվ Վանաձորի կերպարվեստի թանգարանում բացվեց «Մեծ հաղթանակի դեմքերը» խորագրով ֆոտոցուցահանդեսը: Նախագիծը նվիրված է Հայրենական մեծ պատերազմի հայ վետերաններին, ովքեր պայքարել են հանուն հաղթանակի՝ պատերազմի դաշտում ու թիկունքում: Նախագիծը կյանքի է կոչել Հայաստանում Ռոսսոտրուդնիչեստվոյի ներկայացուցչությունը (Երևանում ռուսական տունը)։ Ցուցահանդեսի բացմանը ներկա էին Լոռու մարզպետի տեղակալ Գոռ Ասրյանը, Վանաձոր համայնքի ղեկավարի պաշտոնակատար Արկադի Փելեշյանը, Գյումրիում ռուսական տան ղեկավար Անտոն Բերյանևը, վետերաններ, մշակույթի գործիչներ և հետաքրքրված անձինք։
Հայտարարություն 10.06.2022
«Ուլյանովսկը-մշակութային մայրաքաղաք» ֆոնդն ակտիվորեն զարգացնում է համագործակցությունն աշխարհի ավելի քան 30 երկրների հետ: 2016 թվականից Ուլյանովսկը որպես կրեատիվ քաղաք ներառված է ՅՈւՆԵՍԿՕ-ի կազմում: Մարզում այս տարի իրականացվում են սոցիալ-մշակութային մեծածավալ նախագծեր: Ուլյանովսկի շրջանը հյուրընկալում է պաշտոնական պատվիրակությունների: Այս կապակցությամբ ՀՀ-ում գործունեություն ծավալող, շահույթ չհետապնդող կազմակերպությունները, ստեղծագործական ընկերությունները, քաղհասարակության ներկայացուցիչները հրավիրվում են մասնակից դառնալու նախաձեռնությանը և իրականացնելու համատեղ միջոցառումներ, որոնք ուղղված կլինեն Ուլյանովսկում հայկակայն մշակույթի զարգացմանը: Դիտարկվում են նաև լուսանկարչական աշխատանքների, գեղանկարների ցուցադրություններ, ստեղծագործական մաստեր-կլասս հանդիպումներ, կինոցուցադրություններ և այլն: Տեղեկացնում ենք նաև, որ 2022 թվականին Ուլյանովսկում նախատեսված են հետևյալ միջազգային միջոցառումները.
Ֆրանսիայի ՊԱԿԱ ռեգիոնի հետ համագործակցությունը՝ երկարաժամկետ ծրագրերի նոր սկիզբ Լոռու մարզում 10.06.2022
Լոռու մարզպետի տեղակալ Հովհաննես Ավետիսյանն այսօր ընդունեց Ֆրանսիայի Հարավային Պրովանս-Ալպեր Լազուրե ափ ռեգիոնի արտաքին կապերի պատասխանատու Քիմ-Ան Քենիբոլին և հայաստանյան ծրագրերի պատասխանատու Սեսիլ Էլիզալդին: Հանդիպմանը մասնակցում էին նաև Լոռու մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը, պատասխանատու այլ պաշտոնյաներ: Այցի նպատակն էր Ֆրանսիայի ՊԱԿԱ ռեգիոնալ խորհրդի ներկայացուցիչների հետ, 2008 թվականից կնքված և 2019-ին վերակնքված համաձայնագրի շրջանակներում, ամփոփել արդեն իսկ իրականացված համատեղ ծրագրերը և քննարկել հետագա անելիքները:
