Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեծ Պարնի բնակավայրի դպրոցն ապահովվել է ջրով, կառուցվել է մաքրման կայան 19.01.2023
Սպիտակ խոշորացված համայնքի Մեծ Պարնի բնակավայրում «Ազգային ջրային համագործակցություն» ՀԿ-ն՝ Հայաստանում Ճապոնիայի դեսպանատան կողմից տրամադրված ֆինանսական աջակցությամբ իրականացրել է «Մեծ Պարնիի դպրոցի սանիտարական վիճակի բարելավում» ծրագիրը: Դպրոցն ապահովվել է խմելու ջրով, վերանորոգվել են թվով 10 սանհանգույցները, կառուցվել է մաքրման կայան: Կազմակերպության նախագահ Արևիկ Հովսեփյանի հրավերով այսօր Լոռու մարզպետի տեղակալ Գոռ Ասրյանը, Հայաստանում Ճապոնիայի արտակարգ և լիազոր դեսպան Ֆուկուշիմա Մասանորին, Սպիտակ խոշորացված համայնքի ղեկավար Քաջայր Նիկողոսյանն այցելեցին դպրոց՝ կատարված աշխատանքներին ծանոթանալու նպատակով:
Այսօր Լոռու մարզպետարանում տեղի ունեցավ «Հասարակական կազմակերպություններից և մարզպետարանի կառուցվածքային ստորաբաժանումների ներկայացուցիչներից կազմված աշխատանքային խմբի» այս տարվա առաջին նիստը, որը վարում էր աշխատանքային խմբի ղեկավարի տեղակալ, մարզպետարանի տեղեկատվության և հասարակայնության հետ կապերի բաժնի պետ Աննա Գասպարյանը:
Դպրոցական առարկայական օլիմպիադաների մարզային փուլին կմասնակցի 700 դպրոցական 19.01.2023
Մեկնարկել է դպրոցականների առարկայական օլիմպիադաների մարզային փուլը։ Օլիմպիադայի առաջին օրվա ընթացքին հետևել են մարզպետարանի պատասխանատուները։ Դպրոցական փուլը հաղթահարած լոռեցի 700 աշակերտներ ուժերը կչափեն 15 առարկաներից։ Մեկնարկը տրվել է մաթեմատիկա առարկայով. մաթեմատիկայի օլիմպիադային մասնակցել է 103 դպրոցական:
Մարզում ձմեռային զորակոչը շարունակվում է, և այսօր պարտադիր ժամկետային ծառայության մեկնեցին Տաշիր, Ստեփանավան, Լոռի Բերդ և Գյուլագարակ խոշորացված համայնքների նորակոչիկները: Նրանց ճանապարհեցին և բարի ծառայություն մաղթեցին Լոռու մարզպետի տեղակալ Գոռ Ասրյանը, մարզային և համայնքային իշխանությունների ներկայացուցիչները, հարազատները, ընկերները։ Մարզպետի տեղակալը տղաներին մաղթեց անվտանգ ծառայություն՝ վստահ լինելով, որ հայրենիքի սահմանների անառիկությունը հուսալի ձեռքերում է։
Լոռու մարզի 2022 թվականի ֆինանսական ցուցանշները 18.01.2023
2022 թվականի դեկտեմբերի 31-ի դրությամբ համայնքային բյուջեների եկամուտների ցուցանիշները նախորդ տարվա նույն ժամանակահատվածի նկատմամբ ավելացել են՝ կազմելով 109,6 % (եկամուտները ավելացել են 1 մլրդ 92,3 մլն. դրամով): Մարզի համայնքների բյուջեներով 2022 թ.-ի պլանի նկատմամբ կատարողականը կազմել է 118.5 % կամ նախատեսված 10 մլրդ 494 մլն. դրամ պլանի դիմաց հավաքագրվել է 12 մլրդ 435.6 % մլն. դրամ (ներկայացվող տեղեկատվության մեջ Վանաձոր համայնքի պլանային ցուցանիշը ներառված չէ): Համայնքների սեփական եկամուտների հավաքագրումը հաշվետու ժամանակաշրջանի 1 մլրդ 985.7 մլն. դրամ պլանի դիմաց կազմել է 3 մլրդ 135.3 մլն. դրամ, կատարողականը կազմել է 157.9 % աճը 2021 թ. նկատմամբ կազմել է 112% , կամ նախորդ տարվա նկատմամբ ավելի է հավաքագրվել 335.9 մլն. դրամ:
Զինծառայության են մեկնել Սպիտակի տարածաշրջանի այս տարվա առաջին նորակոչիկները 17.01.2023
Այսօր պարտադիր ժամկետային զինվորական ծառայության են մեկնել նաև Սպիտակի տարածաշրջանի նորակոչիկները: Նրանց խաղաղ ծառայություն ու բարի վերադարձ են մաղթել մարզպետի տեղակալ Գոռ Ասրյանը, Սպիտակ խոշորացված համայնքի ղեկավար Քաջայր Նիկողոսյանը, մարզպետարանի պաշտոնյաներ, ծնողներ և հյուրեր: Նորակոչիկներին իր և մարզի ղեկավարի անունից ջերմ մաղթանքներ է հղել Գոռ Ասրյանը.
