Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղեկատվություն 2022 թվականին գյուղատնտեսության ոլորտում իրականացված աշխատանքների վերաբերյալ 24.01.2023
2021 թ.-ի համեմատությամբ՝ 2022 -ին ցանքատարածությունները Լոռու մարզում ավելացել են շուրջ 443 հա-ով: Գյուղատնտեսության ոլորտում իրականացվել է պետական օժանդակության 14 ծրագիր: Գարնանը պետության կողմից պարարտանյութերի սուբսիդավորման ծրագրից Լոռու մարզում օգտվել է շուրջ 4500 շահառու, սուբսիդավորված պարարտանյութի քանակը կազմել է 2375 տ (47.509 պարկ), իսկ պետության կողմից գումարի սուբսիդավորման չափը կազմել է 427 մլն. 581 հազար դրամ: Աշնանացան ցորենի արտադրության խթանման 2022 թ.-ի պետական աջակցության ծրագրից Լոռու մարզում օգտվել է շուրջ 3300 շահառու. աշնանացանը կազմում է շուրջ 10.549 հա, որը 1035 հա-ով (10.8%) ավելի է 2021 թվականի աշնանացանից:
Լոռու մարզում թափուկ վառելափայտից օգտվել է ավելի քան 3560 շահառու 24.01.2023
2022 թ.-ի ընթացքում Լոռու մարզի անտառտնտեսության մասնաճյուղերում պլանային և այլ հատումները կազմել են 16.607 մ3: Այդ ընթացքում մթերվել և մարզի ազգբնակչությանն անվճար տրամադրվել է 25.402 մ3 թափուկ վառելափայտ: Թափուկ վառելափայտից օգտվել է 3562 շահառու: Հայտնաբերված ապօրինի հատումները կազմել են 2810 ծառ՝ 2024 մ3 ընդհանուր ծավալով: Հաշվետու ժամանակահատվածում «Հայանտառ» ՊՈԱԿ-ի և այլ կազմակերպությունների միջոցներով մարզում իրականացվել են շուրջ 282 հա անտառտնկման, 800 հա նախորդ տարիներին հիմնադրված անտառմշակույթների խնամքի և լրացման աշխատանքներ, 37 հա տարածքի վրա բնական վերաճին օժանդակման միջոցառումներ, շուրջ 15 կմ ցանկապատման աշխատանքներ, ինչպես նաև Թեղուտի անտառվերականգնման ծրագրով Շնող համայնքում հիմնվել է 25 հա պտղատու այգի:
Հաշվետվություն սոցիալական ապահովության բնագավառում 2022 թ.-ին կատարված աշխատանքների վերաբերյալ 23.01.2023
Մարզում 2022 թ.-ի ընթացքում սոցիալական ծառայության տարածքային մարմինների կողմից վճարվել է ավելի քան 4 մլրդ դրամ պետական նպաստ (ներառյալ՝ ընտանեկան և սոցիալական նպաստները, հրատապ օգնությունները): Սահմանված ժամկետում իրականացվել են ինչպես ընտանեկան և սոցիալական նպաստների, այնպես էլ՝ տարաբնույթ հրատապ օգնությունների վճարումները: Լոռու մարզում կենսաթոշակ է ստանում ավելի քան 49 հազար մարդ, հաշմանդամություն ունեն ավելի քան 16 հազարը, մանկուց հաշմանդամություն ունի շուրջ 700 երեխա: Մարզպետարանի ներկայացուցիչները ղեկավարում են Միասնական սոցիալական ծառայության տարածքային կենտրոնների համակարգող խորհուրդների աշխատանքները: Սահմանված ժամանակացույցով մարզի համայնքներում կատարվել են վարչական ստուգումներ:
Լոռու մարզպետարանի Ընտանիքի, կանանց և երեխաների իրավունքների պաշտպանության բաժնի մասնագետները 2022 թ.-ի ընթացքում ուշադրության կենտրոնում են պահել կյանքի դժվարին իրավիճակում գտնվող շուրջ 670 երեխաների, իրականացրել նրանց կարիքների գնահատում: Կատարվել են ավելի քան 156 տնայցեր, որոնց արդյունքում որոշ երեխաներ տեղավորվել են մասնագիտացված հաստատություններում, խնամատար ընտանիքներում, ընտանիքներին տրամադրվել է նաև հասցեական աջակցություն: 2022 թ.-ի ընթացքում բաժինը մասնակցություն է ունեցել անչափահասներին վերաբերող 46 դատական նիստերին: Հաշվետու ժամանակահատվածում Ոստիկանության Լոռու մարզային վարչության կողմից հաշվառվել է 24 անչափահաս:
• «Վանաձորի բժշկական կենտրոն» ՓԲԸ-ի կազմում գործող Վարակաբանական բաժանմունքի նոր շենքի կառուցման համար իրականացվել են նախագծանախահաշվային աշխատանքներ, անցել են բոլոր փորձաքննությունները և հայտարարվել է կառուցապատողի մրցույթ: • «Վանաձորի բժշկական կենտրոն» ՓԲԸ-ում բացվել է վերականգնողական բաժանմունք, որը միակն է տարածաշրջանում: Վերականգնողական բաժանմունքը հոգեբանական և ֆիզիկական վերականգնողական բուժման հնարավորութուն է ստեղծում շահառուների լայն խմբի համար։
ՀԱՅՏԱՐԱՐՈՒԹՅՈՒՆ 19.01.2023
ՀՀ Լոռու մարզի Շնողի Հ․ Մելիքսեթյանի անվան միջնակարգ դպրոց ՊՈԱԿ-ում սննդի ոլորտում գործունեության կազմակերպման իրավունքի տրամադրման համար ՀՀ կառավարության 2020 թվականի հունիսի 4-ի N 914-Ն որոշմամբ հաստատված հավելված N 2-ի 3-րդ մասի 4-րդ կետի համաձայն՝ ՀՀ Լոռու մարզետարանը հայտարարում է մրցույթ «ՀՀ Լոռու մարզի Շնողի Հ․ Մելիքսեթյանի անվան միջնակարգ դպրոց» ՊՈԱԿ-ում սննդի ոլորտում գործունեության կազմակերպման իրավունքի տրամադրման համար։
