Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանը հանդես եկավ մամլո ասուլիսով 01.02.2023
Լոռու մարզպետ Արամ Խաչատրյանը փետրվարի 1-ին հանդես եկավ մամլո ասուլիսով: Ներկա էին հանրապետական և մարզային լրատվամիջոցների ներկայացուցիչներ: Ասուլիսին մասնակցում էին մարզպետարանի կառուցվածքային ստորաբաժանումների ղեկավարները, պատասխանատու այլ պաշտոնյաներ: Մինչ հարց ու պատասխանին անցնելը, լրատվամիջոցների ներկայացուցիչները հնարավորություն ունեցան դիտելու Տեղեկատվության և հասարակայնության հետ կապերի բաժնի կողմից պատրաստված, 2022թ. Լոռու մարզում իրականացված աշխատանքներն ամփոփ կերպով ներկայացնող տեսաֆիլմ, որտեղ անդրադարձ էր կատարվում մասնավորապես քաղաքաշինության, ճանապարհաշինության, գյուղատնտեսության և բնապահպանության, առողջապահության և սոցիալական ապահովության, կրթության, մշակույթի և սպորտի, հողաշինության և հողօգտագործման, զարգացման ծրագրերի և զբոսաշրջության, տեղական ինքնակառավարման և այլ ուղղություններով տարված աշխատանքներին։
Աշխատանքային խորհրդակցություն 31.01.2023
Լոռու մարզպետ Արամ Խաչատրյանն այսօր անցկացրեց աշխատանքային խորհրդակցություն մարզպետի տեղակալներ Գոռ Ասրյանի, Հովհաննես Ավետիսյանի, մարզպետարանի պատասխանատու պաշտոնյաների և կառուցվածքային ստորաբաժանումների ղեկավարների մասնակցությամբ: Մինչ օրակարգային հարցերին անդրադառնալը, մարզի ղեկավարն անդրադարձավ ՀՀ վարչապետի որոշմամբ մարզպետարանում նախատեսվող կառուցվածքային փոփոխությունների հետ կապված ընթացքիկ հարցերին, աշխատանքային կարգապահական խնդիրներին:
Նվերներ ստացան մարզի սոցիալապես անապահով ընտանիքների շուրջ 200 երեխաներ 30.01.2023
ՌԴ Պյատիգորսկ քաղաքի հայ համայնքի «Միասին ուժ ենք» հայկական նախաձեռնության ղեկավար Քրիստինա Մարգարյանի և նրա բարերար համախոհների շնորհիվ այսօր նվերներ ստացան Լոռու մարզի սոցիալապես անապահով ընտանքիների շուրջ 200 երեխաներ: Նրանց համար նաև միջոցառում էր կազմակերպվել՝ մուլտհերոսների մասնակցությամբ: Ներկա էին Լոռու մարզպետի տեղակալ Հովհաննես Ավետիսյանը, Լոռու մարզպետի խորհրդական Տիգրան Հովսեփյանը, պատասխանատու պաշտոնյաներ: Բարերարն իր ծրագիրն իրագործելու համար դիմել էր Լոռու մարզպետարան: Համապատասխան մասնագետները տրամադրել էին կարիքավոր ընտանիքների երեխաների տվյալները և նրանց հրավիրել ուրախ միջոցառման: Տոնական ցերեկույթի ընթացքում, ուրախ մուլտհերոսների օգնությամբ երեխաներն ստացան իրենց նվերները՝ նոր և տաք հագուստ բարերարի կողմից:
Հայոց բանակի 31-ամյա տարեդարձն է 30.01.2023
Այս տոնական օրը հպարտության զգացողության հետ շաղախված է նաև ուրախ ու տխուր հույզերով: Այսօր փառաբանում ենք մեր պանծալի բանակի շարքերը համալրող քաջերին, զինվորներին, սպաներին ու գեներալներին և մյուս կողմից խնկարկում մարտի դաշտում քաջաբար նահատակված մեր հերոսներին ՝ հավերժ փա՛ռք ձեզ: Լոռու մարզպետ Արամ Խաչատրյանը, մարզային և համայնքային իշխանությունների, Գուգարաց թեմի հոգևոր դասի ներկայացուցիչները Հայոց բանակի օրվա առթիվ այցելել և ծաղիկներ են խոնարհել ՀՀ և Արցախի Ազգային հերոս, Սպարապետ Վազգեն Սարգսյանի հուշարձանին: Այցելություն է կատարվել նաև Վանաձորի Պանթեոն:
Լոռու մարզպետն ընդունել է «Ռոնի մասնագիտական կրթական կենտրոնի» ներկայացուցիչներին 27.01.2023
Այսօր Լոռու մարզպետ Արամ Խաչատրյանն ընդունել է Ֆրանսիայի Լիոն քաղաքի «Ռոնի մասնագիտական կրթական կենտրոնի» նախագահ Քրիստիան Դրոզին, գլխավոր տնօրեն Վերոնիկ Ֆյուրլանին, Երևանում գործող ֆրանս-հայկական մասնագիտական ուսումնական կենտրոնի հիմնադիր տնօրեն Գոհար Գրիգորյանին: Հանդիպմանը ներկա էին նաև Լոռու մարզպետի տեղակալ Հովհաննես Ավետիսյանը, Կրթության, մշակույթի և սպորտի վարչության պետ Արամ Գրիգորյանը, Առողջապահության և սոցիալական ապահովության վարչության պետ Ռուզաննա Պողոսյանը, Տի և ՀԳՄ հարցերով վարչության պետ Մհեր Խեչումյանը, Զարգացման ծրագրերի, զբոսաշրջության և վելուծության բաժնի պետ Հասմիկ Մկրտչյանը, Ընտանիքի, կանանց և երեխաների իրավունքների բաժնի պետ Իրինա Մարտիրոսյանը, Տեղեկատվության և հասարակայնության հետ կապերի բաժնի պետ Աննա Գասպարյանը:
Արևածագի դպրոցում բացվեց ռազմամարզական դասարան 27.01.2023
Հայոց բանակի կազմավորման 31-ամյակին ընդառաջ՝ Ալավերդի խոշորացված համայնքի Արևածագ բնակավայրի Կարո Մելիքսեթյանի անվան միջնակարգ դպրոցի բակում բացվեց ռազմամարզական բացօթյա դասարան: Ներկա էին Լոռու մարզպետի տեղակալ Գոռ Ասրյանը, Լոռու մարզպետարանի զորահավաքային նախապատրաստության բաժնի պետ Արմեն Հակոբյանը, պատասխանատու պաշտոնյաներ, հյուրեր: Բացօթյա դասարանում տեղադրված է լեռնամագլցման վարժասարք, որը կծառայի թե՛ լեռնային պատրաստության, թե՛ աշակերտների ֆիզիկական պատրաստության համար: Առկա է նաև հրաձգության բնագիծ՝ նմանեցված իրական զորային հրաձգարանի, տեղադրված են թիրախներ, ժամապահի ծառայության կետ և այլն: - Նման նախաձեռնությունները մեծ աջակցություն են հայոց բանակին, նաև այն զորամասերին, որտեղ կծառայեն հատուկ պատրաստություն անցած աշակերտները: Լոռու մարզպետի անունից շնորհակալություն եմ հայտնում բոլոր նրանց, ովքեր աջակցել և իրականացրել են այս ծրագիրը,- իր խոսքում ասաց Գոռ Ասրյանը:
