Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզի տարածքում գտնվող միջպետական և հանրապետական, նշանակության ավտոճանապարհները բաց են 07.02.2023
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: Լոռու մարզպետ Արամ Խաչատրյանի հանձնարարությամբ աշխատանքները վերահսկում են մարզպետարանի պատասխանատու պաշտոնյաները: Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։
Առողջապահության նախարարի տեղակալ Արտակ Ջումայանն այսօր աշխատանքային այցով Լոռու մարզում էր: Լոռու մարզպետարանի առողջապահության և սոցիալական ապահովության վարչության պետ Ռուզաննա Պողոսյանի հետ միասին նրանք «Վանաձոր բժշկական կենտրոնում» հրավիրել էին հանդիպում առողջության առաջնային պահպանման օղակի ղեկավարների մասնակցությամբ: Հանդիպման նպատակն էր քննարկել առողջապահության համակարգում ներդրվող առաջիկա կարևորագույն բարեփոխումները, լսել կարծիքներ մարզային ԱԱՊ կառույցներից և հաշվի առնել նրանց առաջարկությունները:
Լոռու մարզում տեղումները շարունակվում են. ճանապարհների մաքրման աշխատանքները վերահսկվում են 06.02.2023
Լոռու մարզպետ Արամ Խաչատրյանի հանձնարարությամբ մարզպետարանի քաղաքաշինության վարչությունը վաղ առավոտից իրականացնում է ճանապարհների մաքրման աշխատանքների վերահսկողություն:
Լոռու մարզպետարանի թիմը հրաձգության հանրապետական մրցաշարից վերադարձել է մրցանականերով 03.02.2023
ՀՀ կրթության, գիտության, մշակույթի և սպորտի նախարարությունում անց է կացվել պետական մարմինների աշխատակիցների և դեսպանատների ներկայացուցիչների մասնակցությամբ հրաձգության հանրապետական մրցաշարը, որին մասնակցել է 36 թիմ՝ շուրջ 170 աշխատակից։ Լոռու մարզպետարանի թիմը թիմային պայքարում զբաղեցրել է 5-րդ հորիզոնականը: Անհատական պայքարում ևս պատվավոր չորրորդ տեղն է գրավել Լոռու մարզպետարանի կրթության, մշակույթի և սպորտի վարչության պետի տեղակալ Արփինե Մատինյանը։
Մարզի ղեկավարը շնորհավորեց ականավոր լեզվաբան Գուրգեն Խաչատրյանին՝ ծննդյան 70-ամյա տարեդարձի առթիվ 03.02.2023
Լոռու մարզպետ Արամ Խաչատրյանն այսօր հյուրընկալել էր բանասիրական գիտությունների դոկտոր, պրոֆեսոր, լեզվաբան, Հայաստանի գրողների միության անդամ, Մովսես Խորենացի և Գրիգոր Նարեկացի մեդալակիր, Վանաձորի պետական մանկավարժական ինստիտուտի (այժմ արդեն՝ Վանաձորի պետական համալսարան) երկարամյա ռեկտոր, սիրելի դասախոս Գուրգեն Խաչատրյանին: Մարզի ղեկավարը ջերմորեն շնորհավորեց անվանի մտավորականին ծննդյան 70-ամյակի կապակցությամբ՝ ընդգծելով նրա մեծագույն ավանդը հայագիտության զարգացման, սերունդների կրթման և Վանաձորի պետական համալսարանի գործունեության զարգացման ու հանրահռչակման գործում:
Այսօր Լոռու մարզպետ Արամ Խաչատրյանն ընդունել է Կարմիր խաչի միջազգային կոմիտեի (ԿԽՄԿ) Իջևանի ենթապատվիրակության ղեկավար Լաուրա Դի Ֆրանչեսկանտոնիոյին և տարածքային ներկայացուցիչ Ավետիք Փաշայանին: Հանդիպմանը ներկա են եղել նաև Լոռու մարզպետի տեղակալ Հովհաննես Ավետիսյանը և մարզպետարանի զարգացման ծրագրերի, վերլուծության և զբոսաշրջության բաժնի պետ Հասմիկ Մկրտչյանը:
