Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սգո երթ և հարգանքի տուրք՝ ի հիշատակ Արցախյան 44-օրյա պատերազմի զոհերի 27.09.2023
Այսօր Սպիտակ համայնքում Լոռու մարզպետի տեղակալ Հովհաննես Ավետիսյանի, Սպիտակ համայնքի ղեկավար Քաջայր Նիկողոսյանի, ուժային կառույցների ներկայացուցիչների, համայնքապետարանի և ենթակա ՀՈԱԿ-ների աշխատակազմերի, ավագանու անդամների, դպրոցականների, բազմաթիվ քաղաքացիների մասնակցությամբ սգո երթ էր կազմակերպվել Սպիտակի Սուրբ Հարություն եկեղեցու բակից դեպի Արցախյան 44-օրյա պատերազմի զոհերի հուշահամալիր:
ՈՒՇԱԴՐՈՒԹՅՈՒՆ 26.09.2023
Հարգելի քաղաքացիներ, Լեռնային Ղարաբաղից բռնի տեղահանված մեր հայրենակիցները, ինչպես հայտնի է, ՀՀ մուտք գործելուն պես, հաշվառում են անցնում Կոռնիձորում տեղակայված Հումանիտար կայանում: Այստեղ, սոցիալական աշխատողների կողմից, միասնական էլեկտրոնային հարթակում (https://e-soc.am, ինչպես նաև գործում է ԱՍՀՆ 114 թեժ գիծը) լրացվում են քաղաքացու կարիքները, որոնք հասանելի են պատասխանատու մարմիններին (Մարզպետարան, ՏԻՄ, Միասնական սոցիալական ծառայություն) և վերջիններիս կողմից էլ, համապատասխան ուղղորդմամբ, բավարարվում են առկա կարիքները՝ կացարան (համապատասխան բնակավայրում), սնունդ, հագուստ, այլ անհրաժեշտ պարագաներ։
Ծաղիկներ են խոնարհվել հերոսների շիրիմներին 22.09.2023
Լոռու մարզպետ Արամ Խաչատրյանը, փոխմարզպետ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային և համայնքային իշխանությունների ներկայացուցիչները Վանաձորի Սուրբ Գր. Նարեկացի առաջնորդանիստ եկեղեցում այսօր, ՀՀ Անկախության 32-րդ տարեդարձի առթիվ, ներկա են եղել Հանրապետական մաղթանքի` հանդիսապետությամբ Գուգարաց թեմի առաջնորդ, գերաշնորհ տեր Հովնան եպիսկոպոս Հակոբյանի: Ապա նրանք այցելել են Վանաձորի զինվորական պանթեոններ, ծաղկեպսակներ դրել և ծաղիկներ են խոնարհել հերոսների շիրիմներին:
Վարչապետ Նիկոլ Փաշինյանը տիկնոջ` Աննա Հակոբյանի հետ, Լոռու մարզի Դեբեդ գյուղում ներկա է եղել «Հայաստանի մանուկներ հիմնադրամի» «Կոնցեպտ» հյուրանոցի բացման արարողությանն ու «Արվեստի, արհեստի և երաժշտության փառատոնի» բացմանը, որի նպատակն է նպաստել Լոռու տնտեսական և զբոսաշրջային գրավչության բարձրացմանը։ Միջոցառմանը ներկա են եղել նաև փոխվարչապետ Տիգրան Խաչատրյանը, Ազգային ժողովի փոխնախագահ Ռուբեն Ռուբինյանը, Լոռու մարզպետ Արամ Խաչատրյանը, պատգամավորներ, նախարարներ, «Հայաստանի մանուկներ» բարեգործական հիմնադրամի (ՔՈԱՖ) հիմնադիր նախագահ Գարո Արմենը, ՔՈԱՖ-ի գործադիր տնօրեն Լիանա Ղալթաղչյանը և այլք:
Նոբել Էմինյանն արժանացավ Լոռու մարզպետի շնորհակալագրի 18.09.2023
Գեղանկարիչ, վաստակաշատ դհոլահար, մանկավարժ, երաժիշտ, բազմաթիվ փառատոների դափնեկիր, «Գրիգոր Նարեկացի» մեդալակիր Նոբել Էմինյանի 75-ամյա հոբելյանական տարեդարձի և 55-ամյա գործունեության կապակցությամբ միջոցառում էր կազմակերպվել Վանաձորի կերպարվեստի թանգարանի բակում: Հոբելյարին շնորհավորելու էին եկել Լոռու մարզպետի տեղակալ Հովհաննես Ավետիսյանը, Գուգարաց թեմի առաջնորդ, գերաշնորհ տեր Հովնան եպիսկոպոս Հակոբյանը, մարզպետարանի պատասխանատու այլ պաշտոնյաներ, Վանաձոր համայնքի ղեկավարի գլխավոր խորհրդական Արման Բերնեցյանը, արվեստի գործիչներ, հյուրեր: Մարզի ղեկավարի և իր անունից Նոբել Էմինյանին շնորհավորեց և սերունդների կրթության, գեղագիտական ճաշակի ձևավորման գործում նրա ավանդը կարևորեց Հովհաննես Ավետիսյանը:
Արվեստների և արհեստների» միջազգային փառատոնից Լոռու մարզի թիմը վերադարձել է մրցանակներով 11.09.2023
ՀՀ Զբոսաշրջային կոմիտեի աջակցությամբ, «Մշակույթի և տուրիզմի պրոպագանդման ընկերության» կողմից Տավուշի մարզի Դիլիջան քաղաքում այսօր կազմակերպվել էր «Արվեստների և արհեստների» միջազգային փառատոնը։ Այն ավանդական է և անցկացվում է՝ սկսած 2013թ-ից։ Փառատոնին՝ իր գեղեցիկ տաղավարներով և կատարողական խմբերով, մասնակցում էր նաև Լոռու մարզը։ Փառատոնին ներկա էին Լոռու մարզպետի տեղակալ Հովհաննես Ավետիսյանը, մարզպետի աշխատակազմի պատասխանատու պաշտոնյաներ։ Մարզի ներկայացուցիչների մասնակցության հետ կապված կազմակերպչական աշխատանքները համակարգել էր Լոռու մարզպետի աշխատակազմի մշակութային միջոցառումների կազմակերպիչ Արման Մկրտչյանը։
