Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լեռնային Ղարաբաղից բռնի տեղահանված և մարզում ապաստան գտած մեր այն հայրենակիցներին, ովքեր հաշվառում չեն անցել ներկայիս բնակության վայրում, խնդրում ենք անպայման այցելել համայնքապետարաններ և Միասնական Սոցիալական Ծառայություններ՝ հաշվառվելու և կարիքների գնահատում անցնելու նպատակով, որպեսզի դուրս չմնան պետական աջակցության ծրագրերից:
ԼՂ-ից բռնի տեղահանված անձանց զբաղվածության ապահովման նպատակով գործարկվել են հարթակներ 02.10.2023
Հարգելի՛ քաղաքացիներ, տեղեկացնում ենք, որ ԼՂ-ից բռնի տեղահանված և աշխատանք փնտրող անձինք առցանց կարող են ծանոթանալ Միասնական սոցիալական ծառայության կողմից հավաքագրված, ՀՀ-ում այս պահին առկա շուրջ 4500 թափուր աշխատատեղերին (հղում՝ https://workforall.am/gorc-vacancy/index) կամ կարող են հաշվառվելու նպատակով մոտենալ Միասնական սոցիալական ծառայության ցանկացած տարածքային կենտրոն (հասցեները՝ https://socservice.am/offices): Հաշվառումից հետո կիրականացվի կարիքների գնահատում և կառաջարկվի համապատասխան աշխատանք:
Լոռու մարզպետ Արամ Խաչատրյանի գլխավորությամբ այսօր խորհրդակցություն էր հրավիրվել Լոռու մարզպետի աշխատակազմի պատասխանատու պաշտոնյաների, մարզի խոշորացված համայնքների ղեկավարների և տարածքային ՄՍԾ-ների տնօրենների մասնակցությամբ: Լեռնային Ղարաբաղից բռնի տեղահանված և մարզի տարբեր բնակավայրերում ապաստանել ցանկացող մեր հայրենակիցներին կեցավայրով ապահովելու և սոցիալական, առողջապահական, կրթական և մի շարք այլ հարցերի կազմակերպման աշխատանքները օպերատիվ և բարձր մակարդակով իրականացնելուն էին ուղղված խորհրդակցության օրակարգային հարցերը:
ՈՒՇԱԴՐՈՒԹՅՈՒՆ 27.09.2023
Հարգելի քաղաքացինե՛ր Լեռնային Ղարաբաղից բռնի տեղահանված մեր հայրենակիցներին աջակցելու նպատակով մարզի խոշորացված համայնքներում ստեղծվել են աշխատանքային խմբեր: Ստորև հրապարակում ենք պատասխանատու անձանց կոնտակտային տվյալները, որոնք հասանելի կլինեն շուրջօրյա ռեժիմով:
Ձեր հիշատակն անմահ է 27.09.2023
Ձեր հիշատակն անմահ է: Ձեր անունը՝ մեր սրտերում: Հավերժ փա՛ռք հանուն Հայրենիքի նահատակված մեր հերոսների հիշատակին:
Լոռու մարզում հարգանքի տուրք են մատուցել 44-օրյա պատերազմի զոհերի հիշատակին 27.09.2023
Արցախյան 44-օրյա պատերազմի երրորդ տարելիցի օրը Լոռու մարզպետ Արամ Խաչատրյանը, Լոռու մարզային և Վանաձորի համայնքային իշխանությունների ներկայացուցիչներն այցելել են Վանաձորի զինվորական պանթեոններ, մեկ րոպե լռությամբ հարգանքի տուրք մատուցել Հայրենիքի համար կյանքը զոհաբերած հայորդիների հիշատակին և ծաղկեպսակներ դրել, ծաղիկներ խոնարհել անմահ հերոսների շիրիմներին:
