Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարանում անցկացվեց «Կլիմայական ռիսկի գնահատումը Հայաստանի խոշորացված համայնքներում» ծրագրի քննարկումը: Այն իրականացվում է «Աղետների ռիսկի նվազեցման ազգային պլատֆորմ» հիմնադրամի և ՄԱԿ-ի մանկական հիմնադրամի հետ համատեղ: Իրականացվող ծրագրի մանրամասները ներկայացրեցին ԱՌՆ ազգային պլատֆորմ հիմնադրամի տնօրենի ժամանակավոր պաշտոնակատար Արա Բարսեղյանը և ծրագրի փորձագետները: Հանդիպմանը մասնակցում էին Լոռու մարզպետարանի և համապատասխան ստորաբաժանումների ղեկավարներ, ոլորտի ներկայացուցիչներ: Ծրագրի պատասխանատուները նշեցին, որ Լոռու մարզի Ստեփանավան, Լոռի Բերդ և Գյուլագարակ խոշորացված համայնքներում սեպտեմբեր ամսից կիրականացվի կլիմայական ռիսկերի գնահատման և տվյալների հավաքագրման գործընթաց:
Վերջերս Ռուսաստանի Վլադիվոստոկ քաղաքի «Ֆետիսով-Արենայում» կայացած «Ասիայի երեխաներ» 7-րդ միջազգային մարզական խաղերի սամբո մարզաձևի 64 կգ քաշային կարգում 16-ամյա վանաձորցի Մհեր Օհանյանը գրավել է առաջին պատվավոր հորիզոնականը։ Մհեր Օհանյանը «Գագիկ Ղազարյան» մարզական ակումբի սաներից է: Լոռու մարզպետ Արամ Խաչատրյանն այսօր ընդունեց մարզիկին և նրա մարզիչ Գագիկ Ղազարյանին։ Առաջին տեղը գրավելու և Լոռու մարզի մարզական պատիվը բարձր պահելու համար մարզի ղեկավարը պատվոգրով պարգևատրեց մարզիկին, իսկ հաղթող սան պատրաստելու համար շնորհակալագիր հանձնեց մարզիչին։
Մարզի ղեկավարը պարգևատրեց քաղաքաշինության ոլորտում ավանդ ունեցող ընկերությունների ղեկավարներին 15.08.2022
Շինարարի օրվա կապակցությամբ մարզպետ Արամ Խաչատրյանն այսօր հյուրընկալեց քաղաքաշինության ոլորտում ավանդ ունեցող ընկերությունների ղեկավարներին: Երախտագիտություն հայտնելով բնագավառում ունեցած ծանրակշիռ ներդրման համար՝ մարզի ղեկավարը շնորհավորեց նրանց մասնագիտական տոնի առթիվ։ -Քաղաքաշինությունը մեր մարզի զարգացման կարևոր և առանցքային բնագավառներից մեկն է։ Համոզված եմ, որ մենք այս ոլորտում զարգացման մեծ հեռանկարներ և ներուժ ունենք։ Ձեզ զորություն եմ մաղթում, նպատակասլացություն և գաղափարներն իրագործելու վճռականություն՝ ի շահ մեր մարզի, մեր հայրենիքի,-ասաց մարզի ղեկավարը:
Լոռու մարզպետի տեղակալ Հովհաննես Ավետիսյանը, Լոռու մարզպետարանի քաղաքաշինության վարչության պետ Դավիթ Մանուչարյանը ոլորտի պատասխանատուների հետ միասին աշխատանքային այցով այսօր եղել են Սպիտակ խոշորացված համայնքում, ծանոթացել իրականացվող սուբվենցիոն ծրագրերի ընթացքին: Նրանք շրջայց են կատարել Նոր Խաչակապ, Գոգարան և Լեռնանցք բնակավայրերում, ուր համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն մի շարք ծրագրեր են ընթանում:
Լոռու մարզպետ Արամ Խաչատրյանի խոսքը Լոռու մարզխորհրդի նիստին 09.08.2022թ. 09.08.2022
Հարգարժան սրբազան հայր, հանրապետական գործադիր մարմինների, ուժային կառույցների, մարզային ծառայությունների հարգելի՛ ներկայացուցիչներ, համայնքների ղեկավարնե՛ր, ներկանե՛ր, հրավիրյալնե՛ր: Ողջունում եմ ձեզ և շնորհակալություն հայտնում Լոռու մարզխորհրդի նիստին ներկա գտնվելու համար: Հայտնի պատճառներով, ինչպես գիտեք, առժամանակ մարզխորհրդի նիստեր չէին հրավիրվել և բոլոր պատասխանատու մարզային կառույցների և համայնքների ղեկավարների մասնակցությամբ նման մասշտաբային խորհրդակցություն անցկացնելու անհրաժեշտությունն, իհարկե, հասունացել էր:
Անցկացվեց Լոռու մարզխորհրդի նիստը 09.08.2022
Օգոստոսի 9-ին Վանաձորի Էդ. Կզարթմյանի անվան երաժշտական դպրոցի դահլիճում անցկացվեց Լոռու մարզխորհրդի նիստ՝ մարզպետ Արամ Խաչատրյանի, Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանի, հանրապետական գործադիր մարմինների, ուժային կառույցների, մարզային ծառայությունների, համայնքների ղեկավարների, քաղհասարակության ներկայացուցիչների մասնակցությամբ: Հնչեց ՀՀ օրհներգը, ապա իր օրհնությունը ներկաներին հղեց Գուգարաց թեմի առաջնորդը՝ երկրին մաղթելով խաղաղություն, հայ ժողովրդին՝ բարեկեցություն և տոկունություն:
