Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետը տեսակցեց 44-օրյա պատերազմում զոհված զինծառայող Ռադիկ Հովակիմյանի նորածին եղբորը 23.08.2022
Օգոստոսի 19-ին Վանաձորի ծննդատանը լույս աշխարհ է եկել 44-օրյա պատերազմում անմահացած ժամկետային զինծառայող Ռադիկ Հովակիմյանի եղբայրը: 3.400 կգ քաշով և 51 սմ հասակով փոքրիկին ծնողներն անվանել են Ռադիկ՝ հերոս եղբոր հիշատակին: Լոռու մարզպետ Արամ Խաչատրյանը տիկնոջ հետ այսօր այցելեց Վանաձորի բժշկական կենտրոն՝ տեսակցելու փոքրիկին և շնորհավորելու հերոսի մայրիկին: Նրանց ուղեկցում էին Լոռու մարզպետարանի առողջապահության և սոցիալական ապահովության վարչության պետ Ռուզաննա Պողոսյանը և կենտրոնի տնօրեն Վահագն Մկրտչյանը:
«Վարդանանց» նորարարական բժշկության կենտրոնը Վանաձորում մասնաճյուղ է բացել 22.08.2022
Լոռու մարզպետ Արամ Խաչատրյանն այսօր ընդունել է «Վարդանանց» նորարարական բժշկության կենտրոնի տնօրեն Հարություն Մանգոյանին և կենտրոնի ներկայացուցիչներին: Հանդիպման նպատակն է եղել մարզպետին տեղեկացնել այսօրվանից գործող «Վարդանանց» կենտրոնի Վանաձորի մասնաճյուղի գործունեության մասին և քննարկել առաջարկվող բժշկական ծառայությունների և հնարավոր համագործակցության հետ կապված հարցեր: Քննարկմանը մասնակցել է նաև Լոռու մարզպետարանի առողջապահության և սոցիալական ապահովության վարչության պետ Ռուզաննա Պողոսյանը: Ինչպես նշեցին կենտրոնի ներկայացուցիչները, մասնաճյուղը ընտանեկան բժշկության կենտրոն է լինելու՝ հիմնված միջազգային փորձի վրա։
Իոսիֆ Մոնտրեզորի և ռուս-պարսկական պատերազմում զոհված զինվորների հիշատակին հարգանքի տուրք մատուցվեց 22.08.2022
Ռուս-պարսկական առաջին պատերազմի տարիներին՝ 1804 թվականին, ռուսական բանակի հրամանատար Իոսիֆ Մոնտրեզորի հրամանատարությամբ 114 ռուս զինվորներից և 60 հայ կամավորներից կազմված ջոկատը հերոսաբար կռվել ու զոհվել է 30 անգամ գերազանցող պարսից ուժերի հետ անհավասար պայքարում: Վանաձոր-Սպիտակ ավտոմայրուղու միջնամասից հարավ ընկած տարածքում է գտնվում ռուս-պարսկական պատերազմում զոհված զինվորների հուշարձանը։
Լոռու մարզի համար ձեռք կբերվեն գյուղատնտեսական անօդաչու թռչող սարքեր 19.08.2022
Ավստրիական զարգացման գործակալությունը «Կանաչ գյուղատնտեսության նախաձեռնությունը Հայաստանում» ծրագրի միջոցով Լոռու մարզին կտրամադրի գյուղատնտեսական դրոններ, լրացուցիչ սարքավորումներ և դրանց շահագործման վերաբերյալ անհրաժեշտ ուսուցում կկազմակերպի համապատասխան մասնագետների համար: Այս գործընթացը լիարժեքորեն կազմակերպելու նպատակով Լոռու մարզպետարանի և Ավստրիական զարգացման գործակալության միջև՝ ի դեմս Լոռու մարզպետ Արամ Խաչատրյանի և ԵՄ կողմից ֆինանսավորվող և Ավստրիական զարգացման գործակալության կողմից համաֆինանսավորվող «Կանաչ գյուղատնտեսության նախաձեռնությունը Հայաստանում» ծրագրի թիմի ղեկավար Պասխալիս Բոկկերսի, կնքվեց փոխըմբռնման հուշագիր:
Հոգեհանգստյան կարգ` ի հիշատակ «Սուրմալու» առևտրի կենտրոնի պայթյունի զոհերի 19.08.2022
Վանաձորի Սուրբ Գրիգոր Նարեկացի առաջնորդանիստ մայր եկեղեցում թեմակալ առաջնորդ Տեր Հովնան եպիսկոպոս Հակոբյանի ձեռամբ կատարվեց հոգեհանգստյան կարգ՝ ի հիշատակ «Սուրմալու» առևտրի կենտրոնում տեղի ունեցած ողբերգության զոհերի։ Արարողությանը ներկա էին Լոռու մարզպետի տեղակալ Հովհաննես Ավետիսյանը, մարզային և համայնքային իշխանությունների ներկայացուցիչներ, հյուրեր։ Եկեղեցական դասը և հոգեհանգստյան արարողությանը ներկա հավատացյալներն աղոթք բարձրացրեցին պայթյունի անմեղ զոհերի հոգիների խաղաղության համար։
Պետական աջակցության գյուղատնտեսական ծրագրերից արդյունավետ օգտվել են Դարպաս բնակավայրի ֆերմերները 19.08.2022
2022 թվականի 1-ին կիսամյակում Լոռու մարզում «Գյուղատնտեսության ոլորտին տրամադրվող վարկերի տոկոսադրույքների սուբսիդավորման» ծրագրից օգտվել է շուրջ 260 տնտեսություն՝ ընդհանուր 335 միլիոն ՀՀ դրամ վարկային գումարի չափով: Պետական աջակցության ծրագրից լոռեցիներն օգտվում են հիմնականում անասնապահության, բուսաբուծության, մեղվաբուծության ոլորտները զարգացնելու համար: Լոռու մարզպետ Արամ Խաչատրյանի հանձնարարությամբ վերոհիշյալ ծրագրից օգտվող Վանաձոր խոշորացված համայնքի Դարպաս բնակավայրի շահառուների հետ հանդիպեց Լոռու մարզպետարանի գյուղատնտեսության և բնապահպանության վարչության գյուղատնտեսության բաժնի պետ Արտյոմ Շահվերդյանը:
