Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու և Հարգիտա բարեկամական մարզերի համագործակցության արդյունքներն արդեն իսկ տեսանելի են 30.10.2023
Լոռու մարզպետի տեղակալ Հովհաննես Ավետիսյանն այսօր ընդունել է Ռումինիայի Հարգիտա նահանգի հայ համայնքի ներկայացուցչիներին՝ Գեորգենի քաղաքի հայ համայնքի նախագահ, քաղաքապետի ներկայացուցիչ Լասլո Կուլչարին, փոխնախագահներ Գեյզա Բոտային և Տիբոր Պալին: Հանդիպմանը մասնակցել են նաև Լոռու մարզպետի աշխատակազմի զարգացման ծրագրերի մշակման և իրականացման բաժնի պետ Հասմիկ Մկրտչյանը, «Հայաստան-Հունգարիա բարեկամության և մշակութային կապերի ընկերության» նախագահ Անահիտ Սիմոնյանը, պատասխանատու այլ պաշտոնյաներ: Տարիներ առաջ եղբայրական հուշագիր կնքած երկու երկրների մարզերն այժմ համագործակցում են նաև քաղաքների մակարդակով: Լոռու մարզի Ալավերդի և Հարգիտայի Գեորգենի համայնքները քույր քաղաքներ են ճանաչվել 2019 թվականից:
Հարգանքի տուրք Վազգեն Սարգսյանի հուշարձանին 27.10.2023
1999թ. հոկտեմբերի 27-ի ողբերգական իրադարձությունից անցել է 24 տարի: Լոռու մարզպետարանի և Վանաձորի համայնքապետարանի աշխատակազմերը այսօր համատեղ այց կատարեցին Վազգեն Սարգսյանի հուշարձանին, ով նույնպես զոհ դարձավ դաժան ոճրագործությանը: Նրանք ծաղիկներ խոնարհեցին՝ իրենց հարգանքի տուրքը մատուցելով զոհերի հիշատակին:
Շրջայցերը կկրեն պարբերական բնույթ 27.10.2023
Լոռու մարզպետարանի պաշտոնյաները ողջ աշխատանքային շաբաթվա ընթացքում այցելություններ են իրականացրել Լեռնային Ղարաբաղից բռնի տեղահանված և Վանաձոր խոշորացված համայնքի բնակավայրերում ապաստան գտած մեր հայրենակիցների կեցության վայրեր: Նրանք եղել են ինչպես «Վանաձորի ընտանիքի և երեխաների աջակցման կենտրոնում», «Վանաձորի Տարածքային հոգեբանամանկավարժական կենտրոնում» (ՏՄԱԿ) և «Վանաձորի պետական համալսարանի «Բազում» ուսումնամարզական հանգրվանում», հյուրանոցներում և հյուրատներում, այնպես էլ՝ վարձով բնակարաններում:
Լոռու մարզպետի աշխատակազմի առողջապահության և սոցիալական ոլորտի հարցերի վարչության մասնագետները՝ վարչության պետ Ռուզաննա Պողոսյանի գլխավորությամբ, աշխատանքային շաբաթը մեկնարկել են Վանաձոր համայնքի համաբուժարաններ, բժշկական կենտրոն, Գուգարքի տարածաշրջանի առողջության կենտրոններ հերթական շրջայցով՝ Լեռնային Ղարաբաղից բռնի տեղահանված մեր հայրենակիցների սպասարկման և կցագրման գործընթացին հետևելու նպատակով:
Լոռու մարզպետի աշխատակազմը աշխատանքային շաբաթը մեկնարկել է Լեռնային Ղարաբաղից բռնի տեղահանված և Վանաձոր խոշորացված համայնքի բնակավայրերում ապաստան գտած մեր հայրենակիցներին հերթական այցելությամբ: Մարզպետարանի պաշտոնյաներն այցելում են ինչպես «Վանաձորի ընտանիքի և երեխաների աջակցման կենտրոնում», «Վանաձորի Տարածքային հոգեբանամանկավարժական կենտրոնում» (ՏՄԱԿ) և «Վանաձորի պետական համալսարանի «Բազում» ուսումնամարզական հանգրվանում», հյուրանոցներում և հյուրատներում ժամանակավոր կացարան գտած, այլև վարձով բնակարաններում ապրող ընտանիքներին:
Ճապոնական ֆիլմերի փառատոնի շրջանակներում Վանաձորում ցուցադրվեց «Արթուն» կինոնկարը 20.10.2023
Ճապոնական ֆիլմերի 17-րդ փառատոնի շրջանակներում Վանաձորի տեխնոլոգիական կենտրոնում տեղի ունեցավ «Արթուն» ֆիլմի ցուցադրությունը, որին ներկա էին Լոռու մարզպետի տեղակալ Գոռ Ասրյանը, ՀՀ-ում Ճապոնիայի արտակարգ և լիազոր դեսպան Ֆուկուշիմա Մասանորին, Լոռու մարզպետարանի և Վանաձորի համայնքապետարանի պաշտոնյաներ, ֆիլմասերներ։ Վանաձորյան ցուցադրության առիթով ողջույնի խոսք ասաց մարզպետի տեղակալ Գոռ Ասրյանը: Նա հատկապես կարևորեց երկու երկրների գործակցությունը տարբեր ոլորտներում և Ճապոնիայի կառավարության ջանքերով Լոռու մարզում իրականացվող բազում ծրագրերը։
