Լոռու մարզպետի աշխատակազմ

Շահումյան համայնքի ղեկավարի աշխատակազմի գլխավոր մասնագետ (ծածկագիր 2.3-2)

Գլխավոր մասնագետն աշխատակազմի քարտուղարի հանձնարարությամբ՝ մշակում է գյուղապետարանի առջև դրված գործառույթներից բխող իրավական ակտերի նախագծեր, ծրագրային փաստաթղթերը և նյութերը փորձաքննության ուղարկելու անհրաժեշտության մասին առաջարկություններ. իրականացնում է քաղաքացիների դիմում-բողոքների քննարկումը` օրենքով սահմանված կարգով և արդյունքները ներկայացնում աշխատակազմի քարտուղարին. նախապատրաստում է առաջարկություններ, տեղեկանքներ, հաշվետվություններ, զեկուցագրեր և այլ գրություններ. հանդես է գալիս դատարանում, որպես համայնքի կողմից լիազորված անձ.
իրականացնում է դաստիարակչական աշխատանքներ ոստիկանության կողմից հաշվառման վերցրված քաղաքացիների և անչափահասների շրջանում. իրականացնում է սույն պաշտոնի անձնագրով սահմանված այլ լիազորություններ: Աշխատակազմի գլխավոր մասնագետն ունի այլ իրավունքներ ու պարտականություններ՝ համաձայն պաշտոնի անձնագրի: Նշված թափուր պաշտոնը զբաղեցնելու համար պահանջվում է ունենալ՝ ա) բարձրագույն կրթություն, բ) համայնքային ծառայության կամ քաղաքացիական ծառայության պաշտոններում առնվազն երկու տարվա ստաժ, կամ վերջին երեք տարվա ընթացքում քաղաքական կամ հայեցողական կամ քաղաքացիական պաշտոններում առնվազն մեկ տարվա աշխատանքային ստաժ կամ վերջին հինգ տարվա ընթացքում համայնքի ավագանու անդամի աշխատանքային գործունեության առնվազն 2 տարվա փորձ կամ առնվազն երեք տարվա մասնագիտական աշխատանքային ստաժ կամ մինչև 2015 թվականի հունվարի 1-ը համայնքային ծառայության, պետական կառավարման ոլորտի կամ համայնքային ենթակայության հիմնարկների ղեկավար պաշտոններում առնվազն մեկ տարվա աշխատանքային ստաժ. գ) սույն պաշտոնի անձնագրում նշված ՀՀ Սահմանադրության, ,,Համայնքային ծառայության մասին,, ,,Տեղական Ինքնակառավարման մասին,, ,,Իրավական ակտերի մասին,, Հայաստանի Հանրապետության օրենքների, աշխատակազմի կանոնադրության և իր լիազորությունների հետ կապված իրավական ակտերի անհրաժեշտ իմացություն, դ) տրամաբանելու, տարբեր իրավիճակներում կողմնորոշվելու ունակություն, համակարգչով և ժամանակակից այլ տեխնիկական միջոցներով աշխատելու ունակություն, ե) տիրապետում է ռուսերենին (ազատ) և մեկ այլ օտար (կարդում, կարողանում է բացատրվել) լեզվի ։ Մրցույթին մասնակցելու համար դիմողները պետք է ներկայացնեն հետևյալ փաստաթղթերը՝ ա) գրավոր դիմում (տրվում է հանձնաժողովի անունով), բ) համայնքային ծառայության տվյալ պաշտոնի անձնագրով այդ պաշտոնն զբաղեցնելու համար քաղաքացու մասնագիտական գիտելիքների և աշխատանքային ունակությունների տիրապետմանը ներկայացվող պահանջների բավարարումը հավաստող փաստաթղթերի՝ դիպլոմի(ների), վկայականի(ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք համապատասխան մարմնից) պատճենները՝ բնօրինակների հետ միասին, գ) հայտարարություն այն մասին, որ ինքը չի տառապում Հայաստանի Հանրապետության կառավարության 2005 թվականի մարտի 3-ի թիվ 310-Ն որոշմամբ հաստատված ցանկում ընդգրկված հիվանդություններից որևէ մեկով, դ) հայտարարություն այն մասին, որ ինքը դատական կարգով չի ճանաչվել անգործունակ կամ սահմանափակ գործունակ, ե) «Համայնքային ծառայության մասին» ՀՀ օրենքի 12-րդ հոդվածի «Ե» կետի պահանջը բավարարելու նպատակով արական սեռի անձինք ներկայացնում են նաև զինգրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենները կամ համապատասխան տեղեկանք, զ) մեկ լուսանկար՝ 3X4 չափսի, է) անձնագրի պատճենը։ Մրցույթին մասնակցելու համար փաստաթղթերը ներկայացնել անձամբ՝ անձնագրով կամ անձը հաստատող փաստաթղթով: Փաստաթղթերն ընդունվում են ՀՀ Լոռու մարզպետարանի աշխատակազմի ՏԻ և ՀԳՄ հարցերով վարչություն (ք.Վանաձոր, Հայքի հրապարակ, մարզպետարան, 1-ին հարկ, հեռ.՝ (0-322)2-21-04)), ինչպես նաև ՀՀ Լոռու մարզի Շահումյանի գյուղապետարան, ամեն օր՝ ժամը 9-ից մինչև 18-ը՝ բացի շաբաթ, կիրակի օրերից: Ներկայացվող փաստաթղթերի պատճենների հետ միասին անհրաժեշտ է ներկայացնել նաև դրանց բնօրինակները: Ներկայացրած փաստաթղթերի պատճենները ետ չեն վերադարձվում: Մրցույթին մասնակցել ցանկացողները լրացուցիչ տեղեկություններ ստանալու, ինչպես նաև պաշտոնի անձնագրին և հարցաշարին ծանոթանալու համար կարող են դիմել Շահումյան համայնքի ղեկավարի աշխատակազմի քարտուղարին (գ. Շահումյան, հեռ.` /0322/5-28-97): Մրցույթը կկայանա 2011թ. դեկտեմբերի 16-ին, ժամը 13.00-ին՝ Շահումյանի գյուղապետարանում: Դիմումների ընդունման վերջին ժամկետն է 2011թ. նոյեմբերի 24-ը։