Լոռու մարզպետի աշխատակազմ

Կրթության, մշակույթի և սպորտի վարչության կրթության բաժնի պետ (ծածկագիր՝ 65-2.2-15)

1. Կազմակերպում է Մարզում հանրակրթության ոլորտում տարվող աշխատանքները, մարզային ենթակայության ուսումնական հաստատությունների գործունեության և վերահսկման աշխատանքները:
2. Կազմակերպում է մարզային ենթակայության ուսումնական հաստատությունների գործունեության, Մարզի կրթության համակարգում տիրող իրավիճակի վերաբերյալ ընթացիկ և համալիր ուսումնասիրությունների ու վերլուծությունների կատարումը և դրանց արդյունքների ամփոփման աշխատանքները:
3. Կազմակերպում է մարզային ենթակայության պետական ուսումնական հաստատությունների գործունեությունը, պետական հանրակրթական ծրագրերի իրագործումը:
4. Կազմակերպում է մարզային ենթակայության ուսումնական հաստատությունների գույքային ապահովվածության և հագեցածության վիճակի վերաբերյալ ուսումնասիրություններն ու վերլուծությունները, դրանց հիման վրա ներկայացնում է առաջարկություններ:
5. Կազմակերպում է հանրակրթական ուսումնական հաստատությունների կողմից կրթության մասին օրենսդրության և կրթության պետական կառավարման լիազոր մարմնի ընդունած նորմատիվ իրավական ակտերի կատարման վերահսկումը, կրթական և դաստիարակչական ծրագրերի իրականացումը:

Նշված թափուր պաշտոնն զբաղեցնելու համար պահանջվում է՝
- բարձրագույն կրթություն,
- սույն պաշտոնի անձնագրի 10-րդ կետի «ա» ենթակետում նշված համապատասխան աշխատանքային ստաժ (տե՛ս սույն հայտարարության 7.2 ենթակետին հաջորդող պարբերությունը),
- սույն պաշտոնի անձնագրի 10-րդ կետի «բ» ենթակետում նշված իր լիազորությունների հետ կապված իրավական ակտերի անհրաժեշտ իմացություն:

Մրցույթը կկայանա 01.08.2013թ.` ժամը 10.30-ին, Խորհրդի շենքում (ք. Երևան, Տերյան 89):

Դիմող ՀՀ քաղաքացիները ՔԾ խորհուրդ պետք է ներկայացնեն հետևյալ փաստաթղթերը`
- դիմում` մրցութային հանձնաժողովի անունով (ձևը լրացվում է փաստաթղթերը ներկայացնելիս),
- տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի(ների), վկայականի(ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք համապատասխան մարմնից) պատճենները` բնօրինակների հետ միասին,
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը՝ բնօրինակի հետ միասին, կամ համապատասխան տեղեկանք,
- մեկ լուսանկար` 3x4 սմ չափսի,* անձնագրի պատճենը:
 

ՀՀ քաղաքացին մրցույթին մասնակցելու համար փաստաթղթերը հանձնում է անձամբ` ներկայացնելով անձնագիր:
ՀՀ քաղաքացիները մրցույթին ներկայանում են անձնագրի, դիպլոմի, աշխատանքային գրքույկի, իսկ արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի բնօրինակներով:
Փաստաթղթերն ընդունվում են ամեն օր` ժամը 9.30-ից մինչև 12.30-ը, բացի շաբաթ և կիրակի օրերից:
 

Դիմումների ընդունման վերջին ժամկետն է՝ 26.06.2013թ.:

Մրցույթներին մասնակցել ցանկացող ՀՀ քաղաքացիները լրացուցիչ տեղեկություններ ստանալու, ինչպես նաև պաշտոնի անձնագրին և հարցաշարերին ծանոթանալու համար կարող են դիմել Խորհրդի աշխատակազմ (ք. Երևան, Տերյան 89, հեռ. 54-11-38, 56-64-62), կամ այցելել Խորհրդի պաշտոնական ինտերնետային կայքէջ` www.cscouncil.am:
 

Միաժամանակ տեղեկացվում է, որ մրցույթներին մասնակցելու համար ՀՀ քաղաքացիների ներկայացրած փաստաթղթերի պատճենները հետ չեն վերադարձվում: