Լոռու մարզպետի աշխատակազմ

Ծնվել է 1978 թ. հոկտեմբերի 16-ին Վանաձոր քաղաքում:

1985-1995թթ. սովորել է Վանաձորի Ստեփան Զորյանի անվան թիվ 22 միջնակարգ դպրոցում:
1996-2004թթ. սովորել և ավարտել է Հայաստանի Պետական Տնտեսագիտական համալսարանի ընդհանուր տնտեսագիտության ֆակուլտետը:
2000-2002թթ. ծառայություն ՀՀ ԶՈՒ :
2005-2007թթ. աշխատել է Ֆինքա բարեգործական հիմնադրամում` որպես անհատական փոխառությունների բաժնի ծառայող:
2007-2009թթ. աշխատել է Ֆինքա ՈՒՎԿ ՓԲԸ-ՈՒՄ` որպես անհատական վարկավորման բաժնի վարկային մասնագետ:
2010թ. անցել է վերապատրաստում ԲԿՍ խումբ Մոսկվա` որպես արժեթղթերի շուկայի վերլուծաբան։
2011-2012 աշխատել է ՎՏԲ Հայաստան Բանկ ՓԲԸ Վանաձոր մասնաճյուղում` որպես վարկային մասնագետ։
2012-2017 աշխատել է ՎՏԲ Հայաստան Բանկ ՓԲԸ Վանաձոր մասնաճյուղում` որպես ֆինանսական խորհրդատու։
2017-2020 աշխատել է ՎՏԲ Հայաստան Բանկ ՓԲԸ Վանաձոր մասնաճյուղում` որպես առաջատար մասնագետ, 02.03.2020թ-18․08․2020թ.` որպես գլխավոր մասնագետ։
2020թ.օգոստոսի 18-ին նշանակվել է ՀՀ Լոռու մարզպետարանի աշխատակազմի ՏԻ եւ ՀԳՄՀ վարչության պետ:

2021թ.հունվարի 14-ին նշանակվել է ՀՀ Լոռու մարզպետարանի ֆինանսկան և սոցիալ տնտեսական զարգացման վարչության պետ:

2021թ. հուլիսի 14- ին  ՀՀ վարչապետի  N 745 - Ա որոշմամբ նշանակվել է ՀՀ Լոռու մարզպետարանի գլխավոր քարտուղար:
Անկուսակցական է:
Ամուսնացած է, ունի երկու զավակ:

ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ՊԱՇՏՈՆԻ ԱՆՁՆԱԳԻՐ 

 1. ապահովում է Մարզպետարանում քաղաքացիական ծառայության մասին օրենսդրությամբ և այլ իրավական ակտերով անձնակազմի կառավարման հետ կապված գործառույթների իրականացումը.
2. ապահովում է Մարզպետարանում կառուցվածքային, հաստիքային, ինչպես նաև քաղաքացիական ծառայության պաշտոնների անվանացանկի հետ կապված աշխատանքների իրականացումը.
3. ապահովում է Մարզպետարանում քաղաքացիական ծառայության պաշտոնների անձնագրերի, դրանցում փոփոխություններ կատարելու նախագծերի մշակման աշխատանքների իրականացումը, հաստատում է քաղաքացիական ծառայության պաշտոնների անձնագրերը.
4. օրենքով սահմանված կարգով ապահովում է Մարզպետարանում քաղաքացիական ծառայության թափուր պաշտոնները զբաղեցնելու համար անցկացվող մրցույթի աշխատանքները.
5. ապահովում և կազմակերպում է Մարզպետարանի քաղաքացիական ծառայողների վերապատրաստման գործընթացը.
6. ապահովում է Մարզպետարանի բյուջետային միջոցների և միջնաժամկետ ծախսային ծրագրերը սահմանված կարգով իրականացնելու աշխատանքները, հաշվապահական հաշվառում վարելը, ֆինանսական հաշվետվություններ կազմելը.
7. ապահովում է պետական պատվերի շրջանակներում իրականացվող կենտրոնացված գնումների հայտի ձևավորման աշխատանքները.
8. համակարգում է Մարզպետարանի պետական և միջազգային. ծրագրերի իրականացման աշխատանքները.
9. համակարգում է Մարզպետարանի մարդկային ռեսուրսների կառավարման աշխատանքները.
10. համակարգում է Մարզպետարանի ամբողջ փաստաթղթաշրջանառությունը.
11. կազմակերպում է Մարզպետարանում քննարկումների և խորհրդակցությունների անցկացման աշխատանքները.
12. Մարզպետարանում կազմակերպում է գործավարության և տեխնիկական սպասարկման աշխատանքները.
13. ապահովում է Մարզպետարանի ֆինանսատնտեսագիտական գործառույթների իրականացման աշխատանքները և ֆինանսական ռեսուրսների կառավարման աշխատանքները:

 ՀՀ ԼՈՌՈՒ ՄԱՐԶՊԵՏԱՐԱՆՈՒՄ ԸՍՏ ԲՆԱԳԱՎԱՌՆԵՐԻ ՀԱՄԱԿԱՐԳՄԱՆ ՊԱՐՏԱԿԱՆՈՒԹՅՈՒՆՆԵՐԸ ԲԱՇԽԵԼՈՒ

ՀՀ Լոռու մարզպետի 2022թ. մայիսի 31-ի թիվ 301-Ա որոշման համաձայն համակարգում է հետևյալ բնագավառները

1) Ֆինանսական և սոցիալ-տնտեսական զարգացում,

2) Անձնակազմի կառավարում,

3) Իրավաբանական բաժին,

 4) Քարտուղարություն: