Լոռու մարզպետի աշխատակազմ

«Ասֆալտի մինչև 14 սմ հաստություն` պատվիրված 10-ի փոխարեն, աշխատանքի` ժամկետից շուտ ավարտ։ Ուզում եմ շնորհակալությւոն հայտնել շինարարին»,- Արեն Մկրտչյան
Ալավերդիում հիմնանորոգվել է մի քանի թաղամասեր կապող կարևոր նշանակություն ունեցող՝ Զորավար Անդրանիկ փողոցը։ Ծրագրի իրականացման համար կառավարություն-համայնք համաֆինանսավորմամբ ներդրվել է 242 մլն դրամ։
Փողոցի հիմնանորոգման շրջանակում իրականացվել են՝
• երկշերտ ասֆալտապատման աշխատանքներ,
• լուսավորության հենասյուների փոխարինում և էլեկտրական լարերի անցկացում ստորգետնյա եղանակով,
• նոր ծառատեսակների տնկում և կաթիլային ոռոգման համակարգի տեղադրում,
• մայթերի սալարկում և եզրաքարերի փոխարինում,
• ջրահեռացման համակարգի կառուցում և ստորգետնյա խողովակաշարերի փոխարինում։
Աշխատանքներն ավարտվել են նախատեսված ժամկետից շուտ։
Լոռու մարզպետ Արեն Մկրտչյանն այցելել է փողոց, տեղում ծանոթացել իրականացված աշխատանքների որակին և շնորհակալություն հայտնել շինարարին՝ նշելով ասֆալտի նախատեսվածից ավելի հաստ շերտի և աշխատանքները ժամկետից շուտ ավարտելու հանգամանքները։