Լոռու մարզպետի աշխատակազմ

Լոռու մարզպետ Արեն Մկրտչյանն այցելել է մարզի դպրոցների շինհրապարակներ՝ ծանոթանալու իրականացվող աշխատանքների ընթացքին և շինարարության կազմակերպմանը։
Մարզի ղեկավարը զրուցել է շինարարների և մասնագետների հետ, անդրադարձել ծրագրերի պատշաճ իրականացմանը։
Արեն Մկրտչյանը կարևորել է նաև այն փաստը, որ պետական խոշորածավալ շինարարական ծրագրերի իրականացումը նոր աշխատանքի և մասնագիտական գործունեության հնարավորություն է ստեղծում հայ մասնագետների համար՝ նպաստելով նրանց վերադարձին և Հայաստանում աշխատելու հնարավորությանը։
«Սա շատ ուրախալի պատկեր է։ Մեր մասնագետներն, ովքեր երկար տարիներ աշխատանք ունենալու նպատակով մեկնել են արտերկիր, այլևս երկիրը լքելու կարիք չունեն։ ՀՀ-ում հսկայածավալ պետական շինարարություն է, իսկ նրանք իրենց ձեռքերով իրենց երկրում կառուցում են դպրոցներ, մանկապարտեզներ և այլն, վաստակում են Հայաստանում և չեն կտրվում ընտանիքից»,- նշել է Լոռու մարզպետը։

Մանրամասները՝ տեսանյութում