Լոռու մարզպետի աշխատակազմ

Լոռու մարզպետ Արեն Մկրտչյանն այցելել է Արևածագ բնակավայր, որտեղ իրականացվում են լայնածավալ ճանապարհաշինական աշխատանքներ։
«Կային ժամանակներ, երբ մեր երեխաները գյուղերում դպրոց էին գնում երկու զույգ կոշիկով․ մեկը՝ ցեխապատ ճանապարհներով դպրոց հասնելու, մյուսը՝ դպրոցում կրելու համար էր»,- նշել է մարզպետը՝ ընդգծելով ճանապարհների բարեկարգման կարևորությունը համայնքի կյանքի որակի բարձրացման գործում։
Միայն 2025 թվականին տուֆ քարով սալարկվել են բնակավայրի 1-ին, 5-րդ, 6-րդ և 7-րդ փողոցները։ Մոտ ժամանակում կմեկնարկեն նաև 12-րդ փողոցի ասֆալտապատման աշխատանքները։
2018–2024 թվականներին Արևածագում հիմնանորոգվել են մի շարք ներգյուղական ճանապարհներ։ Նշված ժամանակահատվածում իրականացվել է նաև Օձուն–Արևածագ շուրջ 15 կմ երկարությամբ ճանապարհահատվածի ասֆալտապատումը։

Մանրամասները՝ տեսանյութում