Լոռու մարզպետի աշխատակազմ

Լոռու մարզպետ Արեն Մկրտչյանի հանձնարարությամբ՝ Լեռնային Ղարաբաղից բռնի տեղահանված քաղաքացիների հետ հանդիպումներ են անցկացվել Տաշիրի համայնքային կացարանում և Լեռնահովիտ բնակավայրում։
Մարզպետի օգնական Հայկ Հակոբյանը հանդիպումների ընթացքում ներկայացրել և քննարկել է պետական աջակցության ծրագրերը՝ բնակարանային ապահովման, զբաղվածության, սոցիալական աջակցության և քաղաքացիության ձեռքբերման վերաբերյալ։ Մասնակիցներին ներկայացվել են առկա աջակցության հնարավորությունները և դրանցից օգտվելու ընթացակարգերը։
Քննարկումների ընթացքում բնակիչները կիսվել են իրենց խնդիրներով և հարցերով, որոնց տրվել են անհրաժեշտ պարզաբանումներ։ Նշվել է, որ արձանագրված խնդիրների լուծման ուղղությամբ կշարունակվի հետևողական աշխատանքը: