Լոռու մարզպետի աշխատակազմ

Լոռու մարզպետի պաշտոնակատար Հովհաննես Ավետիսյանն անցկացրել է խորհրդակցություն աշխատակազմի պատասխանատու պաշտոնյաների, մարզի համայնքների ղեկավարների և համայնքների ներկայացուցիչների մասնակցությամբ:

Խորհրդակցության ընթացքում քննարկվել է համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն միջոցներով իրականացվող ծրագրերի ընթացքը և կատարվող շինարարական աշխատանքներում որակական ցուցանիշներին վերաբերվող հարցեր։

Մարզի ղեկավարի պաշտոնակատարն ընդգծել է համայնքների համար կարևորագույն նշանակություն ունեցող ծրագրերի դերը, հանձնարարել կառավարություն-համայնք համագործակցության շրջանակներում իրականացվող բոլոր ծրագրերի արդյունավետությունն ապահովելու, թերությունները բացառելու նպատակով ցուցաբերել ամենօրյա խիստ վերահսկողություն:

Քննարկվել են նաև Լեռնային Ղարաբաղից բռնի տեղահանված և Լոռու մարզում բնակություն հաստատած քաղաքացիների խնդիրներին առնչվող հարցեր:

Հ․ Ավետիսյանը հորդորել է համայնքապետերին ակտիվորեն շարունակել հանդիպումները ԼՂ-ից բռնի տեղահանվածների հետ, նրանց ներկայացնել պետական աջակցության ծրագրերը, հնարավորինս օգնել պետության ընձեռած հնարավորություններից օգտվելու հարցում և քայլեր ձեռնարկել՝ ուղղված նրանց կողմից բարձրացվող խնդիրների լուծմանը:

Նիստի շրջանակում քննարկվել են նաև այլ հարցեր: