Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպումներ՝ Արմանիս և Ուրասար բնակավայրերի դպրոցներում
20.05.2025
Լոռու մարզպետ Արամ Ղազարյանն այսօր՝ մայիսի 20-ին, Արմանիս և Ուրասար բնակավայրերի դպրոցներում հանդիպումներ է ունեցել դպրոցների տնօրենների, կոլեկտիվների, ծնողների և բնակիչների հետ: Հանդիպումներին ներկա են եղել նաև Լոռու մարզպետի աշխատակազմի կրթության, մշակույթի և սպորտի վարչության պետ Նաիրա Բարիկյանը, մարզպետի աշխատակազմի պատասխանատու այլ պաշտոնյաներ, բնակավայրերի վարչական ղեկավարները:
Մարզի ղեկավարը ներկայացրել է, որ ՀՀ կառավարության՝ Հայաստանի Հանրապետությունում կրթական որակյալ ծառայությունների հասանելիության ծրագրով նախատեսվում է նոր դպրոցների, կրթահամալիրների կառուցում և վերակառուցում՝ ապահովելով արդիական, անվտանգ և հարմարավետ պայմաններում բարձրորակ կրթություն հանրապետության բոլոր բնակավայրերում բնակվող երեխաների համար:
Մարզպետն ընդգծել է, որ իրականացվող ծրագիրը բխում է բացառապես երեխաների շահերից՝ նրանց համար կրթության գործընթացն առավել հարմարավետ պայմաններում և բարձր որակով կազմակերպելու անհրաժեշտությունից ելնելով:
Արամ Ղազարյանը պատասխանել է ներկաների հարցերին՝ երեխաների տեղափոխման, կրթության որակի հետ կապված և այլն:
Մարզպետը պատասխանել է նաև բնակիչներին մտահոգող այլ հարցերի՝ բնակավայրերի խնդիրների վերաբերյալ:
Մարզի ղեկավարը նաև շրջել է Ուրասար բնակավայրում, ծանոթացել բարձրացված խնդիրներին:
