Լոռու մարզպետի աշխատակազմ

Վանաձորի աթլետիկայի մասնագիտացված մարզադպրոցում անցկացվել է «ՀՀ Վարչապետի գավաթ» դպրոցականների թիմային խճուղավազքի Լոռու մարզային փուլը:
Մրցումներին ընդհանուր առմամբ հայտավորվել էին 41 դպրոցների հավաքական թիմեր: Թիմերը մրցում էին 5 կմ վազքատարածությունում:
Մրցույթում երրորդ տեղ է գրավել Սպիտակի թիվ 4 հիմնական դպրոցի թիմը, երկրորդ տեղ՝ Լեռնավանի միջնակարգ դպրոցի թիմը, առաջին տեղ, չորրորդ տարին անընդմեջ, գրավել է Վանաձորի թիվ 5 ավագ դպրոցը: Մրցանակակիր դպրոցները և մարզիկները պարգևատրվել են ՀՀ ԿԳՄՍ նախարարության հավաստագրերով: