Լոռու մարզպետի աշխատակազմ

ՀՀ կառավարության որոշմամբ մինչև 100 հա մակերեսով հացահատիկային (աշնանացան և գարնանացան ցորեն, գարնանացան գարի, եգիպտացորեն, վարսակ, հաճար), հատիկաընդեղեն (ոլոռ, լոբի, ոսպ, սիսեռ) և կերային մշակաբույսերի (առվույտ, կորնգան, կերի ճակնդեղ) մշակության 1 հա հաշվով կատարվող հիմնական աշխատանքների (վարի, ցանքի, բերքահավաքի) և սերմի արժեքի համար նախատեսված ծախսերի 50%-ը կփոխհատուցվի։
Փոխհատուցման տրամադրման սահմանաչափերը՝
աշնանացան ցորենի մշակության յուրաքանչյուր 1 հա մակերեսի հաշվով՝ 80 000 ՀՀ դրամ, գարնանացան հացահատիկային մշակաբույսերի մշակության յուրաքանչյուր 1 հա մակերեսի հաշվով՝ 70 000 ՀՀ դրամ, իսկ եգիպտացորենի մշակության յուրաքանչյուր 1 հա մակերեսի հաշվով՝ 85 000 ՀՀ դրամ, հատիկաընդեղեն մշակաբույսերի մշակության յուրաքանչյուր 1 հա մակերեսի հաշվով՝ 100 000 ՀՀ դրամ, կերային մշակաբույսերի (առվույտ, կորնգան) մշակության յուրաքանչյուր 1 հա մակերեսի հաշվով՝ 110 000 ՀՀ դրամ, իսկ կերի ճակնդեղի մշակության յուրաքանչյուր 1 հա մակերեսի հաշվով՝ 80 000 ՀՀ դրամ։