Լոռու մարզպետի աշխատակազմ

Մարտի 11-ին՝ Արևելյան Ճապոնիայում տեղի ունեցած երկրաշարժի և ցունամիի 14-րդ տարելիցի օրը, Սպիտակի կենտրոնական պուրակում տեղադրված հուշարձան-խաչքարի մոտ անմեղ զոհերի հիշատակին հարգանքի տուրք են մատուցել Լոռու մարզպետի տեղակալ Գոռ Ասրյանը, ՆԳ նախարարի տեղակալ, Փրկարար ծառայության տնօրեն Կամո Ցուցուլյանը, ՀՀ-ում Ճապոնիայի արտակարգ և լիազոր դեսպան, նորին գերազանցություն Աոկի Յուտական, Լոռու մարզային փրկարարական վարչության, ուժային կառույցների ներկայացուցիչները, պաշտոնատար այլ անձինք, քաղաքացիներ:
Խոնարհումի խոսքերով հանդես են եկել Գոռ Ասրյանը և Աոկի Յուտական՝ միաժամանակ նշելով, որ Հայաստանի Հանրապետության և Ճապոնիայի համագործակցությունը երկարամյա պատմություն ունի՝ արտակարգ իրավիճակներում փոխգործակցության, միջմշակութային հաղորդակցության, ինչպես նաև մի շարք այլ ոլորտներում:
Ներկաները ծաղկեպսակներ են դրել և ծաղիկներ խոնարհել Ճապոնիայի ցունամիի և 1988 թվականի Սպիտակի ավերիչ երկրաշարժի անմեղ զոհերի հիշատակի խաչքարերին։