Լոռու մարզպետի աշխատակազմ

Կանանց միջազգային օրվա նախօրեին տոնական միջոցառում էր կազմակերպվել Վանաձորի Էդ. Կզարթմյանի անվան երաժշտական դպրոցի դահլիճում, որին ներկա էին տարբեր բնագավառներ ներկայացնող շուրջ 200 կանայք և աղջիկներ:
Նրանց շնորհավորելու էին եկել Գուգարաց թեմի առաջնորդ, գերաշնորհ տեր Հովնան եպիսկոպոս Հակոբյանը, Լոռու մարզպետի տեղակալ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը:
Կանանց և աղջիկներին իր օրհնության խոսքը հղեց Գուգարաց թեմի առաջնորդը:
Մարզպետ Արամ Ղազարյանի անունից ջերմ բարեմաղթանքներ հղեց Հովհաննես Ավետիսյանը. «Խորին երախտագիտության են արժանի մեր մարզը ներկայացնող շատ կանայք։ Բնականաբար, բոլորին այսօր այստեղ չէինք կարող հյուրընկալել։ Թող նրանք էլ մարզի ղեկավարի, մեր երախտիքի խոսքերն ու շնորհավորանքներն ընդունեն հեռավար կերպով։ Եղե՛ք միշտ ուրախ, հմայիչ ու գեղեցիկ՝ շրջապատված անսպառ ուշադրությամբ ու հոգատարությամբ, և թո՛ղ բարին հովանի լինի ձեզ և ձեր ընտանիքներին,-ասաց նա:
Արկադի Փելեշյանը նույնպես հանդես եկավ կանանց ուղղված շնորհավորանքի խոսքով:
Ներկաներին հաճելի պահեր պարգևեցին Վանաձորի համայնքապետարանի «Երգի թատրոնի» երգիչ- երգչուհիները:
Գեղեցիկ սեռի ներկայացուցիչներին դահլիճում հանձնվեցին ծաղիկներ։