Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարանում անցկացվել է քաղաքացիների հերթական ընդունելությունը
07.03.2025
Լոռու մարզպետ Արամ Ղազարյանի հանձնարարությամբ՝ բնակիչների հրատապ խնդիրներին արագ արձագանքելու նպատակով մարզպետի տեղակալ Հովհաննես Ավետիսյանը մարտի 6-ին Լոռու մարզպետարանում անց է կացրել քաղաքացիների ընդունելություն։ Ընդունելությանը ներկա են եղել նաև մարզպետի աշխատակազմի ոլորտային պատասխանատու պաշտոնյաները:
Շուրջ 25 քաղաքացիներ մարզի տարբեր համայնքներից մարզպետի աշխատակազմին են դիմել սոցիալական, առողջապահական, զբաղվածության ապահովման, համայնքային զարգացման, բնակարանային պայմանների բարելավման և այլ հարցերով:
Մարզպետի տեղակալին քաղաքացիները ներկայացրել են իրենց հուզող հարցերն ու խնդիրները, աշխատակազմի հետ քննարկվել են դրանց լուծման հնարավոր տարբերակները: Հարցերի մի մասը տեղում լուծում է գտել, մյուս մասին՝ տրվել են անհրաժեշտ պարզաբանումներ։
Որոշ քաղաքացիների առաջարկվել է նաև համապատասխան բովանդակությամբ դիմումներ ներկայացնել, որոնց մանրակրկիտ ուսումնասիրությունից հետո դիմումների ընթացքի վերաբերյալ նրանց կտրվի լրացուցիչ տեղեկություն:
