Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը խորհրդակցություն է անցկացրել մարզի բժշկական կենտրոնների և Լոռու հոգենյարդաբանական դիսպանսերի տնօրենների մասնակցությամբ
17.02.2025
Լոռու մարզպետ Արամ Ղազարյանը փետրվարի 17-ին աշխատանքային խորհրդակցություն է անցկացրել Վանաձորի, Ստեփանավանի, Սպիտակի, Տաշիրի, Ալավերդու բժշկական կենտրոնների և Լոռու հոգենյարդաբանական դիսպանսերի տնօրենների մասնակցությամբ: Ներկա է եղել նաև Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը:
Խորհրդակցության ընթացքում անդրադարձ է կատարվել բուժհաստատություններում, ինչպես՝ վճարովի հիմունքներով, այնպես էլ՝ պետպատվերով իրականացվող բուժծառայությունների ծավալների ավելացմանն ուղղված հետևողական քայլերի և տարաբնույթ ծրագրերի իրականացման անհրաժեշտությանը, բժշկական կենտրոնները արհեստավարժ մասնագետներով համալրելու, պարբերաբար այլ բուժհաստատություններից մասնագետներ հրավիրելու նախաձեռնություններին:
Մարզի ղեկավարը նշել է նաև, որ մարզային բուժհաստատություններում աշխատանքն առավել գրավիչ դարձնելուն ուղղված հստակ քայլեր նախաձեռնելու անհրաժեշտություն կա:
Խորհրդակցության ընթացքում անդրադարձ է կատարվել նաև մարզի առողջապահական հիմնարկներում աշխատանքների արդյունավետ կազմակերպման, անհրաժեշտ բուժսարքավորումներով հագեցման, կարգապահական բնույթի մի շարք հարցերի ևս: Տրվել են հանձնարարականներ:
