Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը հանձնարարեց առավել մանրակրկիտ դիտարկել, գնահատել և գույքագրել հրդեհից տուժած բնակիչների հրատապ կարիքները
10.02.2025
Փետրվարի 9-ին՝ օրվա ընթացքում իրականացված աշխատանքների ամփոփման նպատակով Ստեփանավանի համայնքապետարանում անցկացվեց խորհրդակցություն ՀՀ Տարածքային կառավարման և ենթակառուցվածքների նախարարի տեղակալ Նարեկ Մանուկյանի, Լոռու մարզպետ Արամ Ղազարյանի, Ստեփանավան համայնքի ղեկավար Արմեն Գրիգորյանի, մարզպետի աշխատակազմի և համայնքապետարանի ներկայացուցիչների մասնակցությամբ:
Նախարարի տեղակալին և Լոռու մարզպետին ներկայացվեցին օրվա ընթացքում իրականացված աշխատանքների և հրդեհից տուժածներին այսօր տրամադրված հումանիտար օգնության մանրամասները:
Նշվեց, որ բոլոր քաղաքացիներն ապահովված են հագուստով, սննդով, հիգիենիկ պարագաներով, ըստ կարիքի՝ նաև դեղորայքով:
Մարզպետը հանձնարարեց առավել մանրակրկիտ դիտարկել, գնահատել և գույքագրել հրդեհից տուժած բնակիչների հրատապ կարիքները՝ հնարավոր աջակցություն ցուցաբերելու նպատակով Կառավարությանը ներկայացնելու համար:
Արամ Ղազարյանը հորդորեց հետևողական լինել նրանց խնդիրներին և արագ արձագանքել նրանց առաջնային կարիքներին:
Քննարկվեցին հետագա աշխատանքների համակարգման հետ կապված հարցեր:
Տրվեցին այլ հանձնարարականներ:
