Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հաստատվել է ՀՀ համայնքների միության նոր կանոնադրությունը
31.01.2025
Հունվարի 30-ին Լոռու մարզպետ Արամ Ղազարյանը մասնակցել է ՀՀ ՏԿԵ նախարար Դավիթ Խուդաթյանի գլխավորությամբ անցկացված Հայաստանի համայնքների միության ընդհանուր ժողովին։
Բացման խոսքում նախարարը կարևորել է Համայնքների միության դերը, ընդգծել, որ հատկապես համայնքների միավորումից հետո Միությունը պետք է նոր միջավայրի պահանջներին համարժեք արձագանքի, համայնքների շահերը առավել արդյունավետ ներկայացնի և իրականացնի իր կանոնադրական գործառույթները։
Ընդհանուր ժողովի ժամանակ քվեարկությամբ հաստատվել է Միության նոր կանոնադրությունը, որն ավելի արդյունավետ ու ներառական աշխատանք կապահովի համայնքների համար, ընտրվել է վարչության նոր կազմը։
Խուդաթյանը շնորհավորել է նորընտիր վարչությանը և մաղթել արդյունավետ աշխատանք, հույս հայտնել, որ նորընտիր մարմինը լավագույնս կներկայացնի համայնքների շահերը, կնպաստի համայնքների համաչափ զարգացմանը։
Լոռու մարզի Տաշիր և Ստեփանավան համայնքների ղեկավարներ Էդգար Արշակյանը և Արմեն Գրիգորյանն ընտրվել են Համայնքների միության վարչության անդամներ, իսկ Սպիտակ համայնքի ղեկավար Քաջայր Նիկողոսյանը՝ միության վերաստուգող մարմնի անդամ:
