Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սպիտակ համայնքի նորակոչիկները մեկնել են ծառայության
16.01.2025
Լոռու մարզպետի տեղակալ Գոռ Ասրյանը, Սպիտակ համայնքի ղեկավար Քաջայր Նիկողոսյանը, մարզպետի աշխատակազմի զորահավաքային նախապատրաստության բաժնի պետ Արմեն Հակոբյանը, ՀՀ ՊՆ Լոռու մարզի Սպիտակի զինվորական կոմիսար Հրահատ Գևորգյանը, պատասխանատու այլ պաշտոնյաներ Սպիտակ համայնքի զինվորական կոմիսարիատի բակում հունվարի 16-ին ներկա են եղել Սպիտակ խոշորացված համայնքի նորակոչիկների՝ Հայոց բանակ ճանապարհելու հանդիսավոր արարողությանը:
Նրանց ճանապարհելու էին եկել նաև ծնողները, հարազատները, ընկերները:
Հնչել է Հայաստանի Հանրապետության պետական օրհներգը, ապա նորակոչիկներին օրհնության խոսք է ասել Սպիտակի Սուրբ Հարություն եկեղեցու հոգևոր հովիվ տեր Օվսե քահանա Հովհաննիսյանը:
Նորակոչիկներին ողջունել է Գոռ Ասրյանը՝ մարզպետ Արամ Ղազարյանի և իր անունից երիտասարդներին մաղթելով անվտանգ և խաղաղ ծառայություն, բարի վերադարձ հայրենի օջախներ:
Ողջերթի խոսքեր են հղել նաև ներկաները:
