Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խորհրդակցություն ՏԿԵ նախարարությունում
13.12.2024
Լոռու մարզպետ Արամ Ղազարյանը մասնակցել է ՀՀ տարածքային կառավարման և ենթակառուցվածքների նախարարությունում նախարար Դավիթ Խուդաթյանի գլխավորությամբ և հանրապետության մյուս մարզերի մարզպետների մասնակցությամբ անցկացված հերթական խորհրդակցությանը:
Օրակարգում ընդգրկված են եղել մի շարք հարցեր:
Քննարկվել են սուբվենցիոն ծրագրերի կատարման ընթացքը, կատարողական ցուցանիշները, ինչպես նաև 2025 թվականի սուբվենցիոն ծրագրերի ամբողջական փաթեթների ներկայացման պահանջի կատարման հետ կապված աշխատանքային հարցեր:
Քննարկվել են համայնքների սեփական եկամուտների հավաքագրման արդյունքները, նախարարության ֆինանսական ոլորտի պատասխանատուները ՀՀ ՏԿԵ նախարար Դավիթ Խուդաթյանին զեկուցել են տարվա ցուցանիշները:
Նախարարը հանձնարարել է քայլեր ձեռնարկել համայնքների սեփական եկամուտների հավաքագրման ցուցանիշները բարձրացնելու ուղղությամբ:
Ներկայացվել է թափառող կենդանիների վերաբերյալ օրենսդրական նոր նախաձեռնությունը։
Նախաձեռնության հեղինակներ՝ ԱԺ պատգամավորներ Մերի Գալստյանը, Արուսյակ Մանավազյանն ու Ծովինար Վարդանյանն անդրադարձել են օրենքի նախագծին, առաջարկվող կարգավորումներին, որոնք պետք է լուծում տան թափառող շների խնդրին ամբողջ հանրապետությունում։
Նախագծի շուրջ ծավալվել է շահագրգիռ քննարկում:
