Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Երկրաշարժի 36-րդ տարելիցի կապակցությամբ ՀՀ Վարչապետ Նիկոլ Փաշինյանը, վարչապետի տիկին Աննա Հակոբյանն այցելել են Վանաձոր և Սպիտակ
07.12.2024
Երկրաշարժի 36-րդ տարելիցի կապակցությամբ Լոռու մարզ են այցելել ՀՀ Վարչապետ Նիկոլ Փաշինյանը, վարչապետի տիկին Աննա Հակոբյանը:
ՀՀ Տարածքային կառավարման և ենթակառուցվածքների նախարար Դավիթ Խուդաթյանի, Լոռու մարզպետ Արամ Ղազարյանի, Վանաձոր համայնքի ղեկավարի պաշտոնակատար Արկադի Փելեշյանի, ուժային կառույցների և իրավապահ մարմինների ղեկավար կազմի հետ Վանաձորի Սուրբ Աստվածածին եկեղեցու Սրբոց Նահատակաց պուրակում հարգանքի տուրք են մատուցել և ծաղիկներ խոնարհել 1988 թ.-ի երկրաշարժի զոհերի հիշատակին նվիրված խաչքարի մոտ:
ՀՀ վարչապետ Նիկոլ Փաշինյանը, վարչապետի տիկին Աննա Հակոբյանը, պաշտոնյաները հարգանքի տուրք են մատուցել նաև Սպիտակ համայնքում՝ երկրաշարժի զոհերի հիշատակի խաչքարի մոտ:
