Լոռու մարզպետի աշխատակազմ

Աշխատանքային այց է կատարվել նաև Վանաձորի Րաֆֆու անվան թիվ 19 հիմնական դպրոցի շինհրապարակ: Ծրագիրն իրականացվում է ՀՀ կառավարության միջոցներով՝ Հայաստանի տարածքային զարգացման հիմնադրամի պատվիրատվությամբ։

Շինաշխատանքները մեկնարկել են 2022թ.-ին: Արժեքը 1 մլրդ 828 մլն դրամ է:

Աշխատանքի տեմպերը չեն գոհացրել մարզի ղեկավարին:

Ա. Ղազարյանն արձանագրել է նաև որոշակի թերություններ և բացթողումներ՝ հանձնարարելով սեղմ ժամկետներում վերացնել դրանք, ավելացնել նաև աշխատուժը՝ ժամկետների խախտումներ թույլ չտալու համար:

Ա. Ղազարյանը նշել է, որ անորակ որևէ աշխատանք չի ընդունվելու և ընդգծել, որ ամենօրյա մշտադիտարկումները կշարունակվեն:

Պաշտոնյաներն այցելել են նաև Վանաձորի թիվ 13 վերակառուցվող դպրոցի շինհրապարակ: Ծրագիրն իրականացվում է ՀՀ պետբյուջեի ֆինանսավորմամբ՝ ՀՀ Կրթության, գիտության, մշակույթի և սպորտի նախարարության պատվիրատվությամբ:

Ծրագրի պայմանագրային արժեքը 1 մլրդ 795 մլն դրամ է:

Կառուցվում է 3 մասնաշենք, այդ թվում՝ մարզադահլիճ։ Դպրոցը կունենա նաև 2 բաց խաղահրապարակ, կանաչ գոտիներ։ Աշխատանքների ավարտը նախատեսվում է 2025 թ դեկտեմբերին:

Աշխատանքներն ընթանում են ժամկետներին համապատասխան:

Մարզպետը շնորհակալություն է հայտնել շինարարներին կատարված աշխատանքի համար և հորդորել որակական ցուցանիշները շարունակել պահպանել առանց շեղումների։