Լոռու մարզպետի աշխատակազմ

Մարզպետ Արամ Ղազարյանը՝ պատասխանատու պաշտոնյաների ուղեկցությամբ, նոյեմբերի 22-ին աշխատանքային կանգառ է ունեցել նաև Մ-8, Վանաձոր (Մ-6 հատման կետ) - Դիլիջան միջպետական նշանակության ավտոճանապարհի կմ0+236 – կմ 6+236 հատվածի (Վանաձոր քաղաքի հատված) հիմնանորոգվող ճանապարհահատվածում, հետևել աշխատանքների ընթացքին:

Իրականացվում է ասֆալտապատում և մայթերի հիմնանորոգում:

Ծրագիրն իրականացվում է ՀՀ պետբյուջեի ֆինանսավորմամբ:

Պայմանագրային արժեքը 1 մլրդ 320 մլն դրամ է:

Թեև աշխատանքներն ընթանում են մեծ թափով, սակայն մարզի ղեկավարի դիտարկմամբ՝ առկա են որոշակի որակական խնդիրներ, թերություններ:

Ա. Ղազարյանը նշել է, որ աշխատանքների ինտենսիվությանը զուգահեռ առաջնային է նաև որակական ցուցանիշների ապահովումը, և հորդորել շտկել թերությունները:

Հիշեցնենք, որ նշված ճանապարհահատվածը հիմնանորոգվել էր շուրջ 25 տարի առաջ: