Լոռու մարզպետի աշխատակազմ

Վանաձորի աթլետիկայի մասնագիտական մարզադպրոցում նոյեմբերի 14-ին անցկացվեց «ՀՀ Ազգային ժողովի գավաթի» խաղարկության Լոռու մարզային փուլը, որին մասնակցում էին տարածաշրջաններում լավագույն արդյունքներ ցուցաբերած դպրոցները:
Մասնակիցները մրցում էին՝ վազք՝ 60 մետր, վազք՝ 500 մետր, թենիսի գնդակի նետում, ձգումներ և հեռացատկ թափավազքից մրցաձևերում:
Հաշվի առնելով տարածաշրջանային և մարզային փուլերի արդյունքները՝ առաջին տեղեր զբաղեցրին. 5-րդ դասարան՝ Տաշիրի թիվ 1 դպրոց, 6-րդ և 7-րդ դասարաններ՝ Վանաձորի թիվ 1 դպրոց:
Հաղթող դասարանները մարզը կներկայացնեն հանրապետական եզրափակիչ փուլում: