Լոռու մարզպետի աշխատակազմ

Նոյեմբերի 13-ին Լոռու մարզպետ Արամ Ղազարյանն անցկացրել է աշխատանքային խորհրդակցություն՝ մարզպետի տեղակալ Հովհաննես Ավետիսյանի, աշխատակազմի պատասխանատու պաշտոնյաների, կառուցվածքային ստորաբաժանումների ղեկավարների մասնակցությամբ:
Մարզպետ Արամ Ղազարյանը մեկ անգամ ևս շնորհավորել է ներկաներին ՏԻՄ օրվա կապակցությամբ, մաղթել արդյունավետ աշխատանք՝ ի շահ Լոռու մարզի և մարզի բնակիչների:
Մարզպետի աշխատակազմի գլխավոր քարտուղար Կամո Աշրաֆյանը աշխատակազմին է ներկայացրել մարզպետի նորանշանակ խորհրդական Նարեկ Թովմասյանին (որոշման հղումը՝ http://lori.mtad.am/files/legislation/68510.pdf, կենսագրությունը՝ http://lori.mtad.am/structure/bio/612/):
Մարզի ղեկավարը շնորհավորել է Նարեկ Թովմասյանին՝ պատասխանատու պաշտոն ստանձնելու կապակցությամբ՝ մաղթելով բեղուն գործունեություն:
Ա. Ղազարյանը հույս է հայտնել, որ Ն. Թովմասյանն իր փորձառությամբ և աշխատանքային պատասխանատու գործունեությամբ կնպաստի ոլորտային մի շարք խնդիրների լուծմանը՝ ի շահ Լոռու մարզի զարգացման:
Նորանշանակ խորհրդականն իր հերթին շնորհակալություն է հայտնել վստահության համար և պատրաստակամություն՝ իր ողջ ներուժը ներդնելու առաջադրված խնդիրների լուծման ուղղությամբ:
Խորհրդակցության ընթացքում անդրադարձ է կատարվել նախորդ շաբաթվա ընթացքում իրականացված աշխատանքներին, տրված հանձնարարականների կատարման ընթացքին:
Մարզի ղեկավարին են ներկայացվել համայնքների սեփական եկամուտների հավաքագրման արդյունքները, քաղաքաշինության, առողջապահության, գյուղատնտեսության և մի շարք այլ ոլորտներում իրականացված աշխատանքները:
Մարզպետը պատասխանատու պաշտոնյաներին հանձնարարել է ամենօրյա վերահսկողության տակ պահել ըստ ոլորտների իրականացվող աշխատանքները:
Խորհրդակցության ընթացքում անդրադարձ է կատարվել աշխատանքային կարգապահական մի շարք հարցերի, ոլորտային խնդիրների: Տրվել են նոր հանձնարարականներ: