Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եղեգնուտ բնակավայրում մարզպետը ներկայացրել է մարզում իրականացվող կապիտալ և սուբվենցիոն ծրագրերը, գյուղատնտեսության զարգացմանն ուղղված նախաձեռնությունները
04.11.2024
Եղեգնուտ բնակավայր այցի շրջանակներում մարզպետ Արամ Ղազարյանը չնախատեսված կանգառ է ունեցել, հանդիպել բնակիչների հետ, հետաքրքրվել նրանց առօրյայով, մտահոգող խնդիրներով։
Մարզպետ Արամ Ղազարյանը բնակիչներին է ներկայացրել ՀՀ կառավարության աջակցությամբ մարզում իրականացվող կապիտալ և սուբվենցիոն ծրագրերը, գյուղատնտեսության զարգացմանն ուղղված նախաձեռնությունները և այլն։
Նա նշել է, որ ՀՀ կառավարությունը, Լոռու մարզպետի աշխատակազմը անում են ամեն հնարավորը մարզի սոցիալ-տնտեսական զարգացման նպատակով։ Համայնքներում, այդ թվում և՝ Եղեգնուտ բնակավայրում առկա խնդիրներին լուծում է տրվում՝ ըստ առաջնահերթությունների։
Մարզի ղեկավարին են ներկայացվել մի շարք խնդիրներ, այդ թվում՝ որոշ թաղամասերի գազաֆիկացման, գյուղամիջյան երկրորդային ճանապարհների ասֆալտապատման և այլն։
Ա․ Ղազարյանը նշել է, որ Եղեգնուտի գլխավոր ճանապարհը ասֆալտապատվել է ՀՀ պետբյուջեի ֆինանսավորմամբ, իսկ երկրորդային ճանապարհներին ներկայում հարթեցման աշխատանքներ են իրականացվում, ինչ վերաբերում է գազաֆիկացմանը, մարզի ղեկավարը տեղեկացրել է, որ ծրագիրը ներառված է 2024թ․ սուբվենցիոն ծրագրում և առաջիկայում աշխատանքները կմեկնարկեն։
Ա․ Ղազարյանը վստահեցրել է, որ, ըստ առաջնահերթության, կապիտալ և սուբվենցիոն ծրագրերի շրջանակներում բոլոր խնդիրները լուծում կստանան։ Բնակիչները շնորհակալություն են հայտնել մարզի ղեկավարին Եղեգնուտի երկրորդային ճանապարհների բարեկարգման հարցում աջակցելու համար։
