Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Վանաձորի օր» տոնակատարության շրջանակներում գեղարվեստի դպրոցում կազմակերպվել էր միջոցառում
07.10.2024
Լոռու մարզպետ Արամ Ղազարյանը, Լոռու մարզպետի աշխատակազմի ներկայացուցիչները «Վանաձորի օր» տոնակատարության շրջանակներում ներկա են եղել Վանաձորի Ստեփան Աղաջանյանի անվան գեղարվեստի դպրոցում կազմակերպված միջոցառմանը:
Միջոցառմանը ներկա են եղել նաև ՀՀ վարչապետի խորհրդական Արամ Խաչատրյանը, Վանաձորի համայնքապետի պաշտոնակատար Արկադի Փելեշյանը, Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը, ԲԴԽ անդամ Կարեն Թումանյանը, Վանաձորի պատվավոր քաղաքացիներ, ավագանու անդամներ, իրավապահ մարմինների, ուժային կառույցների, Վանաձորի քույր քաղաքների ներկայացուցիչներ, մանկավարժներ, մշակութային գործիչներ, հյուրեր:
Արկադի Փելեշյանը Վանաձորի օրվա կապակցությամբ շնորհավորել է ներկաներին, շնորհակալություն հայտնել տոնական միջոցառումներին մասնակցելու համար:
Քանի որ հոկտեմբերի 5-ը համընկել է նաև «Ուսուցչի օրվա» հետ՝ միջոցառման ընթացքում շնորհավորագրերով են պարգևտրվել համայնքապատկան մի շարք ՀՈԱԿ-ների վաստակաշատ մանկավարժներ:
Երաժշտական կատարումներով հանդես է եկել Վանաձորի համայնքապետարանի կամերային նվագախումբը: Կազմակերպվել է նաև տոնական հյուրասիրություն:
