Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձորի տարեցների տանը հյուրընկալվել էին Լոռու մարզպետի աշխատակազմի ներկայացուցիչները
02.10.2024
Տարեցների միջազգային օրվա կապակցությամբ Վանաձորի տարեցների տանը հյուրընկալվել էին Լոռու մարզպետի աշխատակազմի գլխավոր քարտուղար Կամո Աշրաֆյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը, գլխավոր մասնագետ Վալերի Ջաղինյանը:
Նրանք մարզպետ Արամ Ղազարյանի անունից ջերմորեն շնորհավորել են տարեցների տանը բնակվող ծերերին, նաև արժեքավոր նվեր ընծայել ծերատանը:
Կամո Աշրաֆյանը Վանաձորի տարեցների տանը բնակվող 52 տատիկ-պապիկներին մարզպետ Արամ Ղազարյանի անունից մաղթել է առողջություն ու երկար տարիների կյանք, նշել, որ Լոռու մարզպետի աշխատակազմը պատրաստ է աջակցելու ցանկացած հարցում:
Վանաձորի տարեցների տան տնօրեն Մանուշակ Օհանյանը նույնպես շնորհավորանքի խոսք է հնչեցրել և շնորհակալություն հայտնել մարզի ղեկավարին ու մարզպետի աշխատակազմին տարեցների տան բնակիչների նկատմամբ ուշադրության և հոգատարության համար:
Տարեցների միջազգային օրվա կապակցությամբ Վանաձորի տարեցների տանը կազմակերպվել էր նաև հյուրասիրություն և ուրախ ժամանց:
