Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Շահումյան, Գուգարք բնակավայրերում ապրող ԼՂ-ից բռնի տեղահանված քաղաքացիների հետ
19.09.2024
Լոռու մարզպետի տեղակալ Հովհաննես Ավետիսյանը սեպտեմբերի 18-ին հանդիպել է ԼՂ-ից բռնի տեղահանված և Վանաձոր համայնքի Շահումյան, Գուգարք բնակավայրերում ապրող քաղաքացիների հետ:
Հանդիպմանը ներկա են եղել նաև Շահումյան և Գուգարք բնակավայրերի վարչական ղեկավարները:
Հերթական հանդիպման ընթացքում մեկ անգամ ևս ներկայացվել են տեղահանված ընտանիքների սոցիալական և բնակարանային ապահովման պետական աջակցության ծրագրերի մանրամասները: Քննարկվել են բնակարանային ապահովման ծրագրի բաղադրիչներից օգտվելու ժամանակացույցի, աջակցության չափերի, դիմումներ ներկայացնելու ընթացակարգերի վերաբերյալ մանրամասներ։
Հովհաննես Ավետիսյանը նշել է, որ Լոռու մարզպետի աշխատակազմը լիազորությունների սահմաններում պատրաստ է աջակցել մեր հայրենակիցներին, որպեսզի նրանք մշտական բնակություն հաստատեն Լոռու մարզում:
Հանդիպումը շարունակվել է հարցուպատասխանի ձևաչափով, որի շրջանակում ներկաներն իրենց հետաքրքրող հարցերի վերաբերյալ ստացել են անհրաժեշտ պարզաբանումներ։ Բարձրացված հարցերը հիմնականում վերաբերել են փաստաթղթերի վերականգնման, զբաղվածության ապահովման, սոցիալական այլ խնդիրներին։
