Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դիտարկվել են Վանաձորի Ներսիսյան փողոցի հիմնանորոգման աշխատանքները
12.09.2024
Լոռու մարզպետ Արամ Ղազարյանի հանձնարարությամբ՝ համայնքներում սուբվենցիոն ծրագրերի վերահսկողության նպատակով Լոռու մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետ Ռուբեն Մարգարյանը, վարչության պատասխանատու պաշտոնյաները սեպտեմբերի 11-ին եղել են Վանաձոր համայնքի Հրաչյա Ներսիսյան փողոցում, հետևել հիմնանորոգվող շինարարական աշխատանքների ընթացքին:
1127 մետր երկարություն ունեցող Ներսիսյան փողոցի հիմնանորգման կապալային աշխատանքների պայմանագրային արժեքը կազմում է շուրջ 315 միլիոն դրամ: Կառավարության որոշմամբ՝ Ներսիսյան փողոցի հիմնանորոգման աշխատանքների վերջնաժամկետը 2024 թվականի նոյեմբերի 1-ն է:
Այժմ ընթացքի մեջ են ասֆալտբետոնե ծածկույթի վերին շերտի տեղադրման աշխատանքները: Աշխատանքային խումբը դիտարկել է գործընթացը:
Ռուբեն Մարգարյանը շինարարին փոխանցել է մարզպետի հանձնարարականը աշխատանքներում թերությունների բացառման վերաբերյալ:
Տեղեկացվել է, որ պետական միջոցների նպատակային օգտագործման նպատակով Լոռու մարզպետի աշխատակազմի կողմից համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն և պետական ամբողջական ֆինանսավորմամբ իրականացվող ծրագրերի ամենօրյա հսկողություն է սահմանված:
Նա հորդորել է շինարարին տեղավորվել նախատեսված ժամկետներում, ապահովել ասֆալտե շերտի նորմերով սահմանված խտության գործակիցը և նախատեսված հաստությունը, որպեսզի ճանապարհը երկար ծառայի:
