Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ֆիոլետովոյում ֆուտբոլի նոր մարզադաշտ է կառուցվել
10.09.2024
Լոռու մարզպետի տեղակալ Գոռ Ասրյանը մասնակցել է Ֆիոլետովո համայնքի ֆուտբոլի մինի մարզադաշտի հանդիսավոր բացման արարողությանը:
Միջոցառմանը ներկա են եղել նաև Ֆիոլետովո համայնքի ղեկավար Ալեքսեյ Չիչյովը, Գյումրիում ռուսական տան ղեկավար Անտոն Բերյանևը, Լոռու մարզպետի աշխատակազմի պատասխանատու պաշտոնյաներ, Հայաստանում ՌԴ դեսպանության ներկայացուցիչներ, հյուրեր:
Մարզադաշտի բացման կապակցությամբ Լոռու մարզպետ Արամ Ղազարյանի անունից ներկաներին շնորհավորել է մարզպետի տեղակալ Գոռ Ասրյանը և հույս հայտնել, որ նոր կառուցված մարզադաշտը ֆուտբոլ մարզաձևը զարգացնելու և առավել մասսայականացնելու խթան կհանդիսանա՝ աշխուժացնելով նաև համայնքի մարզական և մշակութային կյանքը։
Ֆիոլետովոյի դպրոցի տնօրեն Արամ Ղազարյանը նշել է, որ դպրոցն ու նախակրթարանը միասին ունեն 174 սան: Մարզադաշտի կառուցումը առավել կբարձրացնի հետաքրքրվածությունը սպորտի նկատմամբ, կնպաստի առողջ ապրելակերպի ակտիվացմանը:
Ներկաներին շնորհավորել է նաև Անտոն Բերյանևը:
Խաղադաշտի բացումը նշանավորվել է Ֆիոլետովո և Մարգահովիտ համայնքների ֆուտբոլային թիմերի ընկերական հանդիպմամբ:
Ֆուտբոլային նոր դաշտը կառուցվել է գյուղի բնակիչ և բարերար Վասիլի Չիչյովի աջակցությամբ։
