Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ուսումնասիրություններ են իրականացվել կարկուտից տուժած բնակավայրերում
24.06.2024
Լոռու մարզպետ Արամ Ղազարյանի հանձնարարությամբ Լոռու մարզպետի տեղակալներ Գոռ Ասրյանը, Հովհաննես Ավետիսյանը, մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը, վարչության մասնագետները ուսումնասիրություններ են իրականացրել հունիսի 20-ին տեղացած կարկուտից առավել տուժած Լոռի Բերդ և Գյուլագարակ համայնքների բնակավայրերում:
Ըստ ուսումնասիրությունների, առավել մեծ չափերի վնասներ են կրել Յաղդան, Կողես, Վարդաբլուր, Հոբարձի, Գյուլագարակ և Գարգառ բնակավայրերի գյուղատնտեսական ցանքատարածությունները:
Վնասների գնահատման նպատակով ձևավորված համայնքային հանձնաժողովները առաջիկայում մարզային հանձնաժողովին կներկայացնեն վնասների չափերի վերաբերյալ արձանագրությունները՝ վերջիններս հանրապետական հանձնաժողովին ներկայացնելու նպատակով:
