Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը հետևել է աղետի գոտում ընթացող վերականգնողական մեծածավալ աշխատանքներին
07.06.2024
Լոռու մարզպետ Արամ Ղազարյանը, ՏԿԵՆ փոխնախարար Նարեկ Մանուկյանը հունիսի 6-ին այցելել են Ալավերդու Սանահին կայարան թաղամաս, ուր աղետի գոտու վերականգնողական մեծածավալ աշխատանքներ են ընթանում:
Նրանք զրուցել են Սանահին կայարանի ձախափնյա թաղամասում ապրող բնակիչների հետ, դիտարկել վնասի չափերը, քննարկել նրանց կարիքները, ներկայացրել թաղամասում կատարվող վերականգնողական աշխատանքները:
Սանահին կայարան թաղամասում այս պահին խմելու ջրագիծ է անցկացվում, գազամատակարարումը վերականգնված է, էներգամատակարարման վերականգնման աշխատանքներն ավարտական փուլում են:
Մարզպետն ընդգծել է, որ աղետից տուժած բնակիչների խնդիրները բոլոր պատասխանատու կառույցների ուշադրության կենտրոնում են:
Լոռու մարզպետ Արամ Ղազարյանը, ՏԿԵՆ փոխնախարար Նարեկ Մանուկյանը շրջայցը շարունակել են Ախթալա բնակավայրում, հետևել ժամանակավոր կամրջի կառուցման աշխատանքներին:
Այն կառուցվում է մետաղական կոնստրուկցիաներով, նախատեսված է մարդատար մեքենաների համար: Կամուրջը կապահովի կապը 6 բնակավայրի հետ:
Պաշտոնյաներն այցելել են նաև Ախթալա կայարան, հանդիպել ջրհղեղից տուժած ընտանիքների հետ, եղել նրանց բնակարաններում, որոնք զգալիորեն տուժել են:
