Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համաճարակային իրավիճակը կառավարելի է
07.06.2024
Լոռու մարզպետ Արամ Ղազարյանի հանձնարարությամբ՝ հեղեղումներից տուժած բնակավայրերում հիվանդների վաղ հայտնաբերման, բուժօգնության և կանխարգելիչ միջոցառումների շրջանակում, Լոռու մարզպետի աշխատակազմի առողջապահության և սոցիալական ոլորտի հարցերի վարչության, ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ-ի մասնագետները, «Ալավերդու ախտահանիչ կենտրոն» ՍՊԸ- ի բուժանձնակազմը կատարում են ամենօրյա բակային համայցեր:
Իրականացվում է դեղորայքի պահանջարկի վերաբերյալ կարիքի գնահատում և, ըստ անհրժեշտության, դեղամիջոցների և բժշկական առաջին անհրաժեշտության պարագաների բաշխում :
Կատարվում է խմելու ջրի մշտադիտարկում: Մինչ այժմ էական շեղումներ չեն հայտնաբերվել, թեև բնակչությունը զգուշացվում է. համի, հոտի, գույնի փոփոխություն նկատելու դեպքում անմիջապես դիմել պատկան մարմիններին:
Իրականացվում են նաև ախտահանման և վարակազերծման՝ դեզինսեկցիոն և դեռատիզացիոն միջոցառումներ: Մասնագետները նշում են, որ համաճարակային իրավիճակը կառավարելի է:
Լոռու մարզպետի աշխատակազմի հետ համագործակցությամբ՝ այսօր Քարկոփ բնակավայրում ջրհեղեղից տուժած բնակչության հետ աշխատում է նաև «Արփի» ՀԿ-ի հոգեբանների խումբը:
