Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Ղազարյանի որոշմամբ Վանաձորի բժշկական կենտրոնի տնօրենի պաշտոնակատար է նշանակվել Մեսրոպ Հազրոյանը
24.05.2024
Լոռու մարզպետ Արամ Ղազարյանը մայիսի 24-ին Վանաձորի բժշկական կենտրոնի աշխատակազմին է ներկայացրել տնօրենի պաշտոնակատար Մեսրոպ Հազրոյանին:
Լոռու մարզպետի 2024թ. –ի մայիսի 23-ի 273-Ա որոշմամբ՝ աշխատանքային պայմանագրի ժամկետը լրանալու կապակցությամբ Վահագն Մկրտչյանին ազատվել է «Վանաձորի բժշկական կենտրոն» ՓԲԸ տնօրենի պաշտոնից: Լոռու մարզպետի մայիսի 23-ի 274-Ա որոշմամբ «Վանաձորի բժշկական կենտրոն» ՓԲԸ տնօրենի պարտականությունների կատարումը մինչև մրցույթի արդյունքում տնօրենի ընտրությունը, դրվել է բժշկական կենտրոնի փոխտնօրեն Մեսրոպ Հազրոյանի վրա:
Մարզպետ Արամ Ղազարյանը շնորհակալություն է հայտնել Վահագն Մկրտչյանին պաշտոնավարման 5 տարիներին կատարած աշխատանքի, արձանագրված հաջողությունների համար, իսկ նորանշանակ պաշտոնակատարին մաղթել աշխատանքային հաջողություններ:
Վահագն Մկրտչյանն իր հերթին շնորհակալություն է հայտնել աշխատակազմին համատեղ արդյունավետ ու բեղմնավոր աշխատանքի համար՝ մաղթելով հետագա հաջողություններ պատասխանատու գործունեության մեջ:
Տնօրենի պաշտոնակատար Մեսրոպ Հազրոյանը շնորհակալություն է հայտնել մարզի ղեկավարին՝ վստահության, Վահագն Մկրտչյանին՝ համատեղ աշխատանքի համար:
